कंधार ; (दिगांबर वाघमारे )
जिल्हांतर्गत बदली सन 2025 ची नांदेड जिल्हा अंतर्गत प्राथमिक शिक्षकांची ऑनलाइन बदली प्रोसेस पूर्ण झाली आहे. तरीही अद्याप नांदेड जिल्ह्यातील शिक्षकांना कार्यमुक्त करण्यात आले नाही. नांदेड जिल्ह्यातील जवळपास ३६५५ शिक्षकांच्या बदल्या यशस्वीरित्या पूर्णझाल्या आहेत. त्यापैकी २३ शिक्षकांच्या न्यायालयीन प्रकरणामुळे ३६५५ शिक्षकांना कार्यमुक्त करण्यात आले नाही.२३ शिक्षकांना न्यायालयानी स्टेटसको दिला आहे. परंतु (बाकी) इत्तर शिक्षकांना कार्यमुक्त करण्यास काहीच हारकत नाही.सदरील न्यायालयीन प्रकरणातील शिक्षकांच्या शाळा वगळून इतर सर्व शिक्षकांना तात्काळ कार्यमुक्त करण्यात यावे.अशी संघटनात्मक विनंती माजी सैनिक संघटनेचे जिल्हाध्यक्ष बालाजी चुक्कलवाड यांनी ग्राम विकास मंत्री जयकुमार गोरे यांना निवेदनाद्वारे केली आहे.
माजी सैनिक विकास समिती महाराष्ट्र जिल्हा शाखा नांदेडचे जिल्हाध्यक्ष बालाजी चुक्कलवाड यांना नांदेड जिल्ह्यातील शिक्षकांच्या जिल्हा अंतर्गत बदली कार्यमुक्तीसाठी काही शिक्षक संघटनेच्या पदाधिकाऱ्यांनी चर्चा केली होती.जिल्हा अंतर्गत बदलीचा विषय घेऊन राज्याचे ग्रामविकास मंत्री यांच्याकडे विषय मांडण्याचे आश्वासन चुक्कलवाड यांनी दिले होते. राज्याचे माजी सैनिकांचे प्रदेशाध्यक्ष तथा माजी खासदार ब्रिगेडर मा.सुधीर सावंत, जिल्हाध्यक्ष व काही राज्य पदाधिकारी मुंबईमध्ये मंत्रालयात जाऊन राज्याचे ग्रामविकास मंत्री नामदार जयकुमार गोरे यांची भेट घेऊन नांदेड जिल्ह्यातील शिक्षकांच्या जिल्हाअंतर्गत बदली झालेल्या शिक्षकांना कार्यमुक्तीसाठी का विलंब लागत आहे. यासंदर्भात ग्रामविकास मंत्री गोरे यांच्या सोबत चर्चा केली.
विकास मंत्री मा. ना.जयकुमार गोरे यांनी सांगितले की शिक्षकांच्या मनाप्रमाणे ऑनलाईन बदल्याची प्रोसेस यशस्वी रित्या पूर्ण झालेली आहे.
नांदेड जिल्ह्यासह इतर जिल्ह्यामध्ये न्यायालीन काही अडथळे येत असतील त्यासाठी जिल्हा परिषदेच्या सीइओ सोबत सचिवांना चर्चा करू असा शब्द माजी सैनिक संघटनेचे जिल्हा अध्यक्ष बालाजी चुक्कलवाड यांना दिला आहे. त्यामुळे नांदेड जिल्ह्यातील सर्व शिक्षकांच्या वतीने जिल्हाध्यक्ष बालाजी चुक्कलवाड यांचे आभार मानले जात आहे.
About the Author
