श्री शिवाजी हायस्कूल माणिकनगर व नवीन कौठा येथे हैद्राबाद मुक्तिसंग्राम दिन उत्साहात साजरा
नांदेड:(दादाराव आगलावे)
मुक्तिसंग्रामात आपल्या संस्थेचे संस्थापक तथा माजी खा.आ.स्व. भाई केशवराव धोंडगे साहेब यांचे योगदान खूप मोलाचे आहे. त्यांना यासाठी काही काळ जेलमध्ये जावे लागले. 17 सप्टेंबर रोजी संपूर्ण मराठवाड्यात हैद्राबाद मुक्तिसंग्राम दिन साजरा व्हावा व सुट्टी जाहीर करावी अशी मागणी त्यांनी मंत्रालयात लाऊन धरली आणि मंजूर करून घेतली तेव्हापासून मराठवाड्यात हैद्राबाद मुक्तिसंग्राम दिन साजरा केला जातो असे प्रतिपादन श्री शिवाजी प्राथमिक- माध्यमिक व उच्च माध्यमिक विद्यालय माणिकनगर येथील मुख्याध्यापक सुधीर गुरुनाथराव कोरडे यांनी व्यक्त केले.
प्रारंभी मुख्याध्यापक तथा प्राचार्य सुधीर कुरूडे व मान्यवरांच्या हस्ते छत्रपती शिवाजी महाराज, स्वामी रामानंद तीर्थ, डॉ. बाबासाहेब आंबेडकर, सरदार वल्लभ भाई पटेल, डॉ.भाई केशवराव धोंडगे यांच्या प्रतिमेचे पूजन करण्यात आले व त्यांच्या हस्ते ध्वजारोहण करण्यात आले. शाळेच्या कौठा शाखेमध्ये शाळेचे उपमुख्याध्यापक सदानंद नळगे यांच्या हस्ते ध्वजारोहणाचा कार्यक्रम संपन्न झाला.
या प्रसंगी हैद्राबाद मुक्तिसंग्रामातील स्वातंत्र्य सैनिकांच्या नातलगांचे सत्कार करण्यात आले. मुख्याध्यापक सुधीर कुरुडे व उपमुख्याध्यापक सदानंद नळगे हे दोघेही स्वतंत्र सैनिकांचे नातलग असल्यामुळे त्यांचाही सत्कार करण्यात आला.
मुख्याध्यापक सुधीर कुरूडे हैद्राबाद मुक्तिसंग्राम दिनाविषयी आपले मनोगत व्यक्त करतांना मी स्वतः स्वातंत्र्य सैनिकांचा नातलग असल्यामुळे माझा सत्कार केल्याबद्दल सर्वांचे आभारी मानले व सर्व शिक्षक शिक्षिका व शिक्षकेतर कर्मचाऱ्यांना मराठवाडा मुक्ती संग्राम दिनाच्या शुभेच्छा दिल्या. शासकीय आदेशावरून 17 सप्टेंबर रोजी भारताचे पंतप्रधान माननीय नरेंद्र मोदी यांच्या 75 व्या वाढदिवसानिमित्त शाळेमध्ये निबंध स्पर्धा आयोजित केली होती. सदर निबंध स्पर्धेत लहान गट 5 वी ते 7 वी यांच्यासाठी “पर्यावरण वाचवा जीवन वाचवा” तर मोठा गट 8 वी ते 10 वी साठी ऑपरेशन सिंदूर – राष्ट्रीय सुरक्षा असा विषय ठेवण्यात आला होता.
लहान गटामध्ये प्रथम अर्णवी तुकाराम शिरफुले तर द्वितीय श्रीराज काळेश्वर कांबळे तर तृतीय मृणाली राहुल भुसावळे यांनी मान मिळवला. मोठ्या गटात प्रथम पुनम संजय बगाटे, द्वितीय अनुष्का काळेश्वर कांबळे, तृतीय रोहन भारत सूर्यवंशी यांनी मान मिळवला सदर विद्यार्थ्यांना पुष्पहार व बक्षीस देऊन गौरवण्यात आले. कार्यक्रमाचे सूत्रसंचालन क्रीडा शिक्षक सुशिल कुरडे यांनी केले. शाळेतील सर्व विद्यार्थ्यांची प्रभात फेरी कढून हैद्राबाद मुक्तिसंग्राम दिन मोठ्या उत्साहात साजरा करण्यात आला.
सदर कार्यक्रमासाठी शाळेतील प्राथमिक, माध्यमिक, व उच्च माध्यमिक विद्यालयातील पर्यवेक्षक, शिक्षक, शिक्षिका व शिक्षकेतर कर्मचारी, विद्यार्थी पालक मोठ्या संख्येने उपस्थित होते. सदरील कार्यक्रम यशस्वीतेसाठी मुख्याध्यापक तथा प्राचार्य सुधीर कुरुडे यांच्या मार्गदर्शनाखाली नेमण्यात आलेल्या समितीने अथक परिश्रम केले.
About the Author
