नांदेड-महाराष्ट्र राज्य सेवानिवृत्त शिक्षक व शिक्षकेतर कर्मचारी अधिकारी संघटना जिल्हा शाखा नांदेड ची बैठक संध्याछाया- वृद्धाश्रमात मालेगाव रोड गजानन महाराज मंदिराजवळ नांदेड येथे संघटनेच्या जिल्हाध्यक्षा विजयाताई घिसेवाड यांच्या अध्यक्षतेखाली व राज्य उपाध्यक्ष सुधीर गोडघासे, राज्य संघटक बालाजी डफडे, जिल्हा कार्याध्यक्ष श्री शेख एम बी , जिल्हा समन्वयक गंगाधरराव मावले ,जिल्हा सल्लागार मदनराव नायके, प्रभाकर कमटलवार, सेवानिवृत्त गटशिक्षणाधिकारी बी एम कपाळे, आर आर जाधव, गंगाधर सोनटक्के, जिल्हा प्रसिद्धी प्रमुख बाबुराव सरोदे यांच्या प्रमुख उपस्थितीत संपन्न झाल
प्रभाकरराव कमटलवार यांनी प्रस्ताविकातून बैठकीस उपस्थित सर्व पदाधिकारी व सभासदांचे शब्दसुमनांनी स्वागत करून संघटनेच्या मागील सभेच्या प्रोसिडिंगचे वाचन करून ठरावास मंजुरी असल्याचे उपस्थितांकडून टाळ्याच्या गजरात संमती मिळवली. तसेच संघटनेच्या बैठकीच्या विषय सूचीचे वाचन केले.
बैठकीत संघटनेचे आजता गायत आजीव सभासद नोंदणी एकूण 410 झालेलीअसून एकूण निधी संकलन व झालेला जमा- खर्चाचा हिशोब राज्य उपाध्यक्ष सुधीर गोडघासे व जिल्हाध्यक्षा विजयाताई घिसेवाड यांनी बैठकीत सादर केला.
दोन वर्षातील संघटनेची सदस्य नोंदणी व सेवानिवृत्तांचे सेवानिवृत्ती उपदान अंशराशीकरण, गटविमा योजना, भविष्य निर्वाह निधी इ. रकमा शासनाकडून सेवानिवृत्तांना मिळवून देण्यासाठी संघटनेने केलेल्या वैयक्तिक व सामूहिक कामकाजाबद्दल बैठकीत सविस्तर समाधानकारक चर्चा होऊन संघटनेच्यापदाधिकाऱ्यांचे बैठकीत अभिनंदन करण्यात आले.
बैठकीस व्हिडिओ कॉन्फरन्स च्या माध्यमातून शिक्षक व शिक्षकेतर कर्मचारी अधिकारी संघटनेचे राज्याध्यक्ष श्री मधुकरराव जंगम यांनी उपस्थित सर्व संघटनेच्या पदाधिकाऱ्यांना व सभासदांना संबोधित केले. व बैठकीस शुभेच्छा दिल्या.
नांदेड जिल्ह्यातून महाराष्ट्र राज्य सेवानिवृत्त शिक्षक व शिक्षकेतर कर्मचारी अधिकारी संघटनेचे राज्याध्यक्ष मधुकरराव जंगम यांनी सेवानिवृत्तांच्या 13 समस्या पैकी नऊ समस्या महाराष्ट्र शासनाच्या खंडपीठात याचिका दाखल केलेल्या आहेत. हे काम संघटनेने उत्कृष्टरित्या पार पडलेले आहे परंतु प्रत्येक याचिकाकर्त्याचे नाव व याचिका दाखल केल्याची कोर्टाची यादी संघटनेकडून याचिकाकर्त्यांना देण्यात यावी. याचिका कर्त्यांना संघटनेकडून सेवानिवृत्तांच्या प्रलंबित 13 समस्या बाबतीत न्याय मिळवून देण्यात यावा. राज्याध्यक्षांनी नांदेड येथील सेवानिवृत्त शिक्षक, मुख्याध्यापक ,केंद्रप्रमुख व शिक्षण विस्तार अधिकारी तसेच शिक्षकेतर कर्मचारी अधिकारी संघटनेच्या जिल्हा बैठकीस उपस्थित राहून बैठकीस संबोधित करून सेवानिवृत्तांच्या कोर्टाच्या याचीका बाबत माहिती द्यावी.असे मनोगत श्री संजय कुमार सावळे, बाबुराव सरोदे इ
व्यक्त केले.
राज्य संघटक बालाजी डफडे यांनी संघटनेने राज्यातून सेवानिवृत्तांची सेवानिवृत्ती उपदान व अंशराशीकरण, सातव्या वेतन आयोगाचच्या प्रलंबित भविष्य निर्वाह निधीच्या हप्त्याच्या रकमा , प्रलंबित वेतन, गट विमा च्या रकमा इ.आर्थिक समस्या शासनाकडे लेखी निवेदनाद्वारे वेळोवेळी मागणी व पाठपुरावा करून सेवानिवृत्तांना मिळवून दिलेल्या आहेत.
सेवानिवृत्त शिक्षण विस्तार अधिकारी तथा पंचायत समिती कंधार चे गटशिक्षणाधिकारी बी एम कपाळे यांनी संघटनेच्या व्हाट्सअप ग्रुपची नियमावली , संघटनेचे सदस्य नोंदणी,बँकेत संयुक्त खाते कीर्द व खर्चाचे चिकटबुक इत्यादी अभिलेखे अद्यावत ठेवणे तसेच सेवानिवृत्तांच्या मुळसेवा पुस्तिका त्याची सुरक्षितता याबद्दल सविस्तर मार्गदर्शन केले.
सेवानिवृत्त शिक्षक, मुख्याध्यापक ,केंद्रप्रमुख व शिक्षण विस्तार अधिकारी यांचे माहे ऑगस्ट 2025 चे वेतन गणपती उत्सव व महालक्ष्मी या सणापूर्वी दिनांक 26 ऑगस्ट 2025 रोजी करावेत असे शासनाचे आदेश असताना देखील शिक्षण विभाग (प्राथमिक) जिल्हा परिषद नांदेड च्या अकार्यक्षमतेमुळे अति विलंबाने झाला याबद्दल बैठकीत तीव्र नाराजी व संताप व्यक्त करण्यात आला.सेवानिवृत्त शिक्षक, मुख्याध्यापक ,केंद्रप्रमुख व शिक्षण विस्तार अधिकारी यांचे प्रलंबित सेवानिवृत्ती उपदान व अंशराशीकरनाच्या रकमा ज्येष्ठतेनुसार विना विलंब संबंधिताच्या खात्यात जमा करण्यात याव्यात. सेवानिवृत्तांचे मासिक पेन्शन दरमहा एक तारखेला करण्यात यावे . सेवानिवृत्तांचे मासिक पेन्शन अति विलंबाने करणाऱ्या सहाय्यक लेखाधिकारी शिक्षण विभाग( प्राथमिक ) जि प नांदेड यांचेवर कार्यवाही करण्यात यावी .सेवानिवृत्तांच्या सेवा पुस्तिका सुरक्षित ठेवण्यात याव्यात. इ. मागण्या सोडवून घेण्यासाठी दिनांक 18 सप्टेंबर 2025 रोजी जिल्हा परिषद नांदेड कार्यालया समोर निर्रदर्शने आयोजित करण्यात येणार असल्याचे बैठकीत सार्वमताने ठरले.
सेवानिवृत्त शिक्षण विस्तार अधिकारी तथा मा. गटशिक्षणाधिकारी बालाजीराव मा. गटशिक्षणाधिकारी बालाजीराव कपाळे व सेवानिवृत्त केंद्रप्रमुख भिमराव भेदेकर यांना महाराष्ट्र राज्य सेवानिवृत्त शिक्षक व शिक्षकेतर कर्मचारी अधिकारी या संघटनेचे आजीव सभासद झाल्याबद्दल सभासदत्व बहाल करण्यात आले.
बैठकीस देगलूर तालुका अध्यक्ष गंगाधरराव लोणे ,किनवट तालुका अध्यक्ष पांडुरंग मुंडे, कंधार तालुका अध्यक्ष धोंडीराम गुंटुरे, मुखेड तालुका कोषाध्यक्ष सय्यद अली , बिलोली तालुका अध्यक्ष एल एल रामपुरे इ.नी नांदेड जिल्ह्यातील तालुका अध्यक्षांनी त्यांच्या तालुक्यातील सदस्य नोंदणी व सेवानिवृत्तांच्या तसेच संघटनात्मक आढावा बैठकीत सादर केला. तसेच सेवानिवृत्त शिक्षक राजेश कराळे यांनी सेवानिवृत्तांना स्वग्रांम प्रवास भत्ता मिळणेबाबत प्रशासनाकडून असहकार्य आहे. प्रवास भत्ता मिळण्याबाबत आपल्या संघटनेने वरिष्ठ स्तरावरून पाठपुरावा करण्याची मागणीकेली. वाय बी पवार ,साईबाबा शिंदे, ए एस बोतावार , आर जी घुमनवाड, माधवराव दापके कर, भिमराव भेदेकरइ. सेवानिवृत्त शिक्षक मुख्याध्यापक केंद्रप्रमुख व शिक्षण विस्ताराधिकारी तसेच जिल्हाकार्यकारिणीचे पदाधिकारी व संघटनेचे सदस्य बहुसंख्येने उपस्थित होते.
बैठकीचे आभार जिल्हा कार्याध्यक्ष एम बी शेख यांनी मानले.
About the Author
