यवतमाळ-(दि१७ सप्टेंबर २०२५)
द भारत स्काऊटस् आणि गाईडस् जिल्हा कार्यालय यवतमाळ व जिल्हा परिषद शिक्षण विभाग यवतमाळ यांचे संयुक्त विद्यमाने- “स्काऊट-गाईड संघनायक शिबीर” अँग्लो हिन्दी हायस्कूल यवतमाळ येथे आयोजित करण्यात आला.
शिबीराचे उद्घाटन ध्वजारोहण व स्काऊट चळवळीचे प्रणेते लॉर्ड बेडन पॉवेल यांचे प्रतिमा पूजनाने करण्यात आले. उद्घाटन कार्यक्रमास अध्यक्षस्थानी शाळेच्या मुख्याध्यापिका श्रीमती अंशूल जैन मॅडम, उद्घाटक म्हणून नगरपरिषद शिक्षण मंडळ यवतमाळच्या प्रशासन अधिकारी डॉ. शिल्पा पोलपेल्लीवार मॅडम ,प्रमुख पाहुणे म्हणून शाळेचे उप मुख्याध्यापक श्री. विशाल क्षिरसागर , प्रमुख मार्गदर्शक म्हणून जिल्हा संघटक(स्काऊट) श्री . गजानन गायकवाड , जिल्हा संघटक(गाईड) श्रीमती मनिषा तराळे,असिस्टंट लिडर ट्रेनर श्रीमती शालीनी शिरसाठ व श्रीमती नंदा झगडे उपस्थित होते.
कळंबच्या फ्लॉकलिडर श्रीमती नंदा झगडे या नियत वयोमानानुसार सेवानिवृत्त झाल्याबद्दल त्यांचा सत्कार करण्यात आला.शिबीर प्रसंगी शाळेच्या बॅन्ड पथकाने उत्कृष्ट सादरीकरण केले. उपस्थितांनी बॅन्ड सादरीकरणाला भरभरून दाद दिली.
संघनायक शिबीरामध्ये यवतमाळ,कळंब,घाटंजी, आर्णी, नेर, राळेगांव व बाभूळगांव तालुक्यातील १४८ स्काऊटस् , १३९ गाईडस् व ५५ युनिट लिडर सहभागी झाले होते.
सदर प्रशिक्षण शिबीरामध्ये ध्वजारोहण पद्धती , स्मार्टनेस व गुड ऑर्डर , मूलतत्वे , चळवळीचा इतिहास ,प्रार्थना , झंडागीत , राष्ट्रगीत ,ध्येय , नियम,वचन , खूण , सॅल्युट ,वंदन , अभ्यासक्रमाचे टप्पे , गणवेष, सेवाप्रकल्प , समुदायविकास कार्यक्रम , संघनायक कर्तव्य व जबाबदारी , प्रथम सोपान गाठी , बांधण्या तसेच प्रथमोपचार बंधने यांचे प्रात्यक्षिक दाखवून सराव घेण्यात आला. प्रशिक्षक म्हणून ज्येष्ठ स्काऊटर श्री. नागोराव काकपूरे,श्री. संजय कोल्हे(HWB), श्रीमती अनिता चव्हाण(प्रगत) यांनी उत्कृष्ट कार्य केले.शिबीराच्या यशस्वितेसाठी शाळेचे स्काऊटमास्टर श्री. तुषार गुल्हाणे ,कनिष्ठ लिपिक श्री. सुरज गोईकर, श्री. विदयानंद कोमलवार , सेवक श्रीमती दिशा सिंगारकर ,शाळेतील शिक्षकवृंद व विद्यार्थी यांनी परिश्रम घेतले.
About the Author
