मुखेड : (दादाराव आगलावे)
शहरातील छत्रपती सार्वजनिक गणेश मंडळ, दीपनगर यांना महाराष्ट्र राज्य शासनाच्या स्पर्धेतून नांदेड जिल्हास्तरीय द्वितीय क्रमांकाचे पारितोषिक प्राप्त झाले आहे.
शासनाकडून मंडळास ४० हजार रोख रक्कम, सन्मानचिन्ह व प्रमाणपत्र देऊन गौरव करण्यात येणार आहे. महाराष्ट्र शासनाने यंदाच्या वर्षी गणेशोत्सवाला राज्य महोत्सव म्हणून जाहीर केले होते. त्या निमित्ताने संपूर्ण महाराष्ट्रात राज्य, जिल्हा व तालुका पातळीवरील सर्वोत्कृष्ट गणेश मंडळ स्पर्धा आयोजित करण्यात आली. या स्पर्धेला राज्यभरातून उत्स्फूर्त प्रतिसाद मिळाला.
संतोष तळेगाव व सचिन मेनकुदळे व काही निवडक सहकार्याच्या अथक परिश्रमामुळे दिपनगर येथील छत्रपती गणेश मंडळाने विविध उपक्रमाचे आयोजन करत लोकमान्य टिळकांनी सुरुवात केलेली गणेश स्थापना धार्मिक उत्सव व्हावा सामाजिक उत्सव हे ब्रिद वाक्य उराशी बाळगून गेल्या वर्षभरात सामाजिक, शैक्षणिक, पर्यावरण, आरोग्य, महिला सक्षमीकरण, मतदान जनजागृती, वंचित घटकांसाठी, दिव्यांगासाठी रक्तदान शिबीर,यांसारख्या विविध उपक्रमांची प्रभावीपणे अंमलबजावणी केली. विशेषतः पर्यावरणपूरक मूर्ती, सजावट व जनजागृती शालेय मुलांच्या विविध स्पर्धेमुळे मंडळाचे कार्य अधिक प्रभावी ठरले. या यशाबद्दल मंडळाचे मार्गदर्शक प्रकाश चल्लावार रेणुकादास देशमुख, राजाराम जाधव, लाकडे मामा, डॉ.प्रशांत खंडागळे, डॉ.विजय मोरे, डॉ.पांडुरंग श्रीरामे, विठ्ठलराव इंगळे, श्यामसुंदर देशमुख, देविदास देवकर, गोविंदराव क्षत्रीय, गणपतराव तळेगावे,भागवत जाधव, विजयकुमार मेंनकुदळे, माजी सैनिक ज्ञानेश्वर डुमणे, किशनराव नाईक, मारोती देशमुख, मल्लिकार्जुन मळभागे, मारोती मुंडकर , संतोष टाकळे, सचिन बंडावार, पांडुरंग जोशी, दादाराव आगलावे, व्यंकटराव वडजे,संतोष पाटील, प्रा.मनोज साखरे, प्रा. आशोक सकनुरे, गोविंद हिवराळे, मन्मथ देशमुख, प्रा.भालचंद्र गांजरे, केशव मारकवाड, रमेश कवटीकवार, बळवंतराव जाधव, नवनाथ तोटकर, नरसिंह सोनटक्के याच्यासह दीपनगर व सरस्वती नगर मधील नागरिकांनी मंडळाचे अध्यक्ष विकास जाधव, उपाध्यक्ष गजानन गुंडे, सचिव शुभम बेंद्रे तसेच सर्व पदाधिकाऱ्यांचे अभिनंदन करत त्यांचे कौतुक केले आहे.
या गौरवामुळे मुखेड शहराचा गौरव वाढला असून हे यश सर्वांसाठी प्रेरणादायी ठरत आहे.
About the Author
