मुखेड:( दादाराव आगलावे)
तालुक्यातील वर्ताळा येथील सेवानिवृत्त शिक्षक तथा प्रतिष्ठित व्यक्ती शेषराव गुरुजी डावकरे यांचे तीसरे नातू विवेक हणमंतराव डावकरे यांचा नागपूर येथील इंदिरा गांधी शासकीय वैद्यकीय महाविद्यालय येथे प्रवेश निश्चित झाला असून विवेक यांचे सर्व स्तरातून अभिनंदन होत आहे.
शेषराव गुरुजी डावकरे यांचे पहिले नातू डॉ.कृष्णकांत शिवाजी डावकरे यांचे वैद्यकीय शिक्षण पूर्ण झाले तसेच शिरसी येथील नातू डॉ.श्रीकांत येडे यांचे वैद्यकीय शिक्षण पूर्ण झाले. त्यांच्या कुटुंबातील यापुर्वी हे दोन डॉक्टर होते. चि. विवेक याने अभ्यासाच्या जोरावर इंदिरा गांधी शासकीय वैद्यकीय महाविद्यालय नागपूर येथे एमबीबीएस साठी प्रवेश मिळविला व त्यांच्या कुटुंबातील हा तीसरा डॉक्टर होत आहे. शेषराव गुरुजी डावकरे यांच्या कुटुंबाचा शैक्षणिक आलेख वरचेवर उंचावत असून शिक्षणाच्या बाबतीत एक आदर्श घेण्यासारखे कुटुंब ठरले आहे.
विवेक डावकरे यांचे वडील ग्रामविस्तार अधिकारी असून आपला शासकीय व्यवसाय सांभाळत ते मुलांकडे कटाक्षाने लक्ष देतात. त्यांचे मोठे बंधू शिवाजी डावकरे हे श्री संत नामदेव महाराज विद्यालय दापका(राजा) येते मुख्याध्यापक पदावर कार्यरत असून त्यांचे लहान बंधू बळवंत डावकरे हे एक आदर्श शिक्षक म्हणून नावारूपाला आलेले आहेत. विवेक डावकरे यांना वैद्यकीय शिक्षण पूर्ण करून गोरगरीब रुग्णांची सेवा करण्याचा मनोदय त्यांनी यावेळी व्यक्त केला.
विवेक यांच्या यशाबद्दल आ.डॉ. तुषार राठोड, माजी नगराध्यक्ष गंगाधरराव राठोड, गटविकास अधिकारी रामोड, प्रसिद्ध उद्योजक दिघे पाटील, शेषराव गुरुजी डावकरे, दादाराव पाटील पांडुर्णीकर, श्रीराम पाटील पांडुर्णीकर, दादाराव आगलावे यांच्यासह अनेकांनी अभिनंदन केले. विवेक हणमंतराव डावकरे यांचे सर्व स्तरातून अभिनंदन होत आहे.
About the Author
