कंधार ; (दिगांबर वाघमारे )
उद्या दि. २९ सप्टेंबर २०२५ रोजी सकाळी ठीक:-१०:०० वा ग्रामीण रुग्णालय, कंधार येथे “स्वस्थ नारी, सशक्त परिवार” या केंद्र व राज्य शासनाच्या संयुक्त आरोग्य अभियानांतर्गत माता व बालकांसाठी भव्य आरोग्य तपासणी शिबिराचे आयोजन करण्यात आले आहे. हे शिबिर सार्वजनिक आरोग्य विभागाच्या सूचनेनुसार जिल्हा शल्य चिकित्सक डॉ.संजय पेरके, जिल्हा आरोग्य अधिकारी डॉ.संगीता देशमुख, व निवासी वैद्यकीय अधिकारी डॉ. राजाभाऊ बुट्टे यांच्या मार्गदर्शनाखाली होणार आहे.
या शिबिराचे उद्घाटन लोहा कंधार विधानसभा
मतदारसंघाचे आमदार प्रतापरावजी पाटील चिखलीकर साहेब यांच्या प्रमुख उपस्थितीत होणार आहे.ग्रामीण रुग्णालयाचे वैद्यकीय अधीक्षक डॉ.किशोर कदम आणि डॉ.राजू टोम्पे यांनी शिबिरामध्ये खालील सेवा उपलब्ध असणार आहेत. महिलांसाठी: रक्तदाब, मधुमेह, स्तन व गर्भाशय तपासणी, मुख व मुख कर्क रोग तपासणी, हिमोग्लोबिन व रक्तक्षय तपासणी, मानसिक आरोग्य मार्गदर्शन गर्भवती महिलांसाठी: लसीकरण सेवा, पोषण आहार मार्गदर्शन बालकांसाठीः सर्वसाधारण आरोग्य तपासणी, विशेष तज्ञ डॉक्टरांकडून सल्ला इतर सेवाः दंत व नेत्र तपासणी, क्षयरोग तपासणी, सिकलसेल आजार तपासणी, आयुष्यमान भारत कार्ड व आभा कार्ड नोंदणी, अवयवदान व रक्तदान शिबिर कंधार शहर व परिसरातील सर्व महिलांनी आणि बालकांनी या शिबिरात सहभागी होऊन आरोग्य तपासणीचा लाभ घ्यावा, असे आव्हान कंधार, ग्रामीण रुग्णालयाचे वैद्यकीय अधीक्षक डॉ.किशोर कदम यांनी केले आहे.
About the Author
