कंधार ; (दिगांबर वाघमारे )
महाराष्ट्र राज्यामध्ये मोठ्या प्रमाणामध्ये पाऊस झाला त्यात मराठवाड्यामध्ये पूर परिस्थिती निर्माण झाली आहे अशा परिस्थितीमध्ये पूरग्रस्तांना मदत व्हावी याकरिता श्री संत नामदेव महाराज संस्थान श्रीक्षेत्र उमरज चे मठाधीपती गुरू महंत एकनाथ नामदेव महाराज यांच्या वतीने मुख्यमंत्री सहाय्यता निधी करिता दोन लक्ष 51 हजाराचा धनादेश आज जिल्हाधिकारी डॉ राहुल कर्डिले यांच्याकडे सुपूर्द करण्यात आला .
गत महिन्यात मराठवाड्यामध्ये मोठ्या प्रमाणामध्ये पाऊस झाला त्या त्यामध्ये वित्तहानी, जीवित हानी ही मोठ्या प्रमाणामध्ये झाली हजारो हेक्टर जमीन ही खरडून गेली, शेतकऱ्यांचे मोठ्या प्रमाणामध्ये आर्थिक नुकसान झाले असून अनेकांनी या पूरा मध्ये आपले प्राण गमावले शेतकरी आर्थिक संघटक असताना मदतीचा हात म्हणून सामाजिक भावनेची जाण ठेवून श्री संत नामदेव महाराज संस्थान उमरज तालुका कंधार ची मठाधिपती श्री गुरु महंत एकनाथ नामदेव महाराज यांच्यावतीने आज दि 3 ऑक्टोबर रोजी मुख्यमंत्री सहाय्यता निधी करिता दोन लक्ष 51 हजाराचा धनादेश मा जिल्हाधिकारी डॉ राहुल कर्डीले यांच्याकडे सुपूर्द केला यावेळी अड मुक्तेश्वर धोंडगे,अड गंगाप्रसाद यन्नावार, प्रदीप शिंदे ,सनदी लेखापाल बाळकृष्ण गबाळे ,जगदीश धोंड, प्रवीण बनसोडे यांची उपस्थिती होती, श्री संत नामदेव महाराज संस्थान हे धार्मिक कार्यासह सामाजिक उपक्रमामध्ये सदैव अग्रेसर असते कोरोना काळामध्ये नागरिकांना गरजूंना भोजनाचे डबे वाटप,मास्क वाटप, करणे रक्तदान शिबीर,आरोग्य शिबिर स्वच्छता , जनावरांसाठी आरोग्य शिबिर, शेतकऱ्यांसाठी अभ्यास वर्ग, स्वच्छता अभियान असे अनेक उपक्रमांमध्ये हे संस्थान सदैव अग्रेसर असते म्हणून पूरग्रस्तांच्या मदतीसाठी श्री संत नामदेव महाराज संस्थान हे समोर आले आहे.
About the Author
