अहमदपूर ( प्रा भगवान आमलापुरे) :
येथील नांदेड रोडवरील एलआयसीचे विकास अधिकारी मा. नरसिंग रामराव चिलकावार यांच्या सेवापुर्ती सोहळ्याचे आयोजन शनिवारी, दि. ४ ऑक्टोबर रोजी करण्यात आले आहे.
मा. चिलकावार यांनी भारतीय आयुर्विमा महामंडळात तब्बल ३५ वर्षे प्रामाणिकपणे सेवा बजावली. मंगळवार, दि. ३० सप्टेंबर रोजी नियत वयोमानानुसार त्यांनी सेवानिवृत्ती स्वीकारली. विशेष म्हणजे संपूर्ण सेवेत त्यांनी एकदाही बढती घेतली नाही. विमा प्रतिनिधी घडविण्यात त्यांनी मोलाचे योगदान दिले असून, त्यांच्या मार्गदर्शनाखालील सर्व प्रतिनिधींकडून त्यांचा सन्मान, सत्कार आणि सेवापुर्ती गौरव सोहळा आयोजित करण्यात आला आहे.
सकाळी १० वाजता होणाऱ्या या कार्यक्रमाचे अध्यक्षस्थान मा. एन. एस. पाटील, से.नि. विभागीय व्यवस्थापक, नांदेड हे भूषवणार आहेत. प्रमुख पाहुणे म्हणून मा. उदय सदुंब्रेकर (वरिष्ठ विभागीय व्यवस्थापक, छ. संभाजीनगर), मा. जे. जी. लामतुरे (निवृत्त वरिष्ठ विभागीय व्यवस्थापक, नांदेड), मा. एस. आर. पिटलावार, मा. जी. आर. बोराळकर, मा. एस. एन. नाफडे, मा. एस. जी. वागले, मा. एम. एम. मोहरील, मा. मकरंद जोशी, मा. ए. एम. मीरगे, मा. श्रीमंत वाघमारे, मा. महेश कांबळे, मा. रवी रत्नपारखी व मा. विजय सातदिवे (शाखाधिकारी, अहमदपूर) उपस्थित राहणार आहेत.
हा सोहळा श्री संत सावता माळी मंगल कार्यालय, लातूर-नांदेड बायपास रोड, अहमदपूर येथे पार पडणार असून, सेवाप्रेमी नागरिक, सहकारी व मान्यवरांनी मोठ्या संख्येने उपस्थित राहावे, असे आवाहन संयोजन समितीने केले आहे.
About the Author
