कंधार (प्रतिनिधी) :
ईमामवाडी येथील जिल्हा परिषद शाळेत नवीन शिक्षक म्हणून संगम कदम पाटील रुजू होऊन आपली सेवा सुरू केली. त्यांच्या रुजू होण्याचा प्रसंग शाळेत आनंदी वातावरणात साजरा करण्यात आला. या वेळी शाळा समितीचे अध्यक्ष उत्तम कोमले ,पोलीस पाटील हरी पाटील ,संतोष कागणे भाऊ पाटील सचिन तुतुरवाड सोमासे राजाराम कोमले तिरुपती पाटील राजू जंगवाड प्रकाश गायकवाड आणि गणेश पपुलवाड यांच्यासह ग्रामस्थ उपस्थित होते.
अनेक दिवसांपासून जिल्हा परिषद नांदेड अंतर्गत शिक्षकांच्या बदली प्रक्रियेवर स्थगिती होती. अखेर गेल्या दोन दिवसांपूर्वी शिक्षणाधिकाऱ्यांनी रुजू होण्याचे आदेश दिल्याने कंधार तालुक्यासह जिल्ह्यातील बदली पात्र शिक्षकांनी आपापल्या नेमून दिलेल्या शाळांवर रुजू होण्यास सुरुवात केली आहे.
कंधार तालुक्यातील अनेक शाळांमध्ये निरोप समारंभ व नवीन शिक्षकांच्या स्वागत समारंभांनी रंगत आणली आहे. शिक्षकांच्या या बदली प्रक्रियेमुळे ग्रामीण भागातील शिक्षण अधिक प्रभावी आणि आधुनिक पद्धतीने देण्याचा प्रयत्न होईल, असा विश्वास व्यक्त करण्यात आला.
मात्र, या वेळी उपस्थित पालकांनी शिक्षकांवरील शिक्षणेत्तर कामांच्या वाढत्या ताणाबद्दल चिंता व्यक्त केली. आगामी जिल्हा परिषद आणि नगर परिषद निवडणुका लक्षात घेता शिक्षकांना शिक्षणाच्या पवित्र कार्यापासून दूर ठेवून इतर कामांमध्ये गुंतवले जात असल्याबद्दल पालक वर्गातून नाराजी व्यक्त करण्यात आली.
पालकांनी शिक्षण विभागाला विनंती केली की, “शिक्षकांना शिक्षण सोडून अन्य प्रशासकीय किंवा निवडणूकविषयक कामांपासून मुक्त करून केवळ विद्यार्थ्यांच्या घडणीचे आणि ज्ञानवर्धनाचे कार्य करण्याची संधी द्यावी.”
या कार्यक्रमाचे सूत्रसंचालन संतोष कागणे यांनी केले, तर आभार प्रदर्शन भाऊ पाटील यांनी मानले .
दरम्यान ईमामवाडी येथील जिल्हा परिषद शाळा इमामवाडी च्या मुख्याध्यापिका सौ बोधगीरे मॅडम यांचि बदली ईमामवाडी येथुन गंगनबिड येथे झाली आहे तरी बोधगीरे मॅडम आज गंगनबिड येथिल जॉईन झाले आहेत तरी त्यांचा सत्कार इमामवाडी येथील पहिली ते चौथीपर्यंत सर्व विद्यार्थ्यांनी बोधगीरे मॅडम यांची बदली झाल्याने सर्व विद्यार्थ्यांनी जड अंतकरणाने सत्कार केला .
About the Author
