कंधार 🙁 दिगांबर वाघमारे )
कंधार नगरपालिका निवडणुकीचे नगराध्यक्ष आणि नगरसेवक पदांचे आरक्षण नुकतेच जाहीर झाले असून, नगराध्यक्ष पद हे इतर मागासवर्गीय (OBC) प्रवर्गासाठी राखीव ठरले आहे. दोन दिवसात पंचायत समितीचे आरक्षण निश्चित होणार आहे या पार्श्वभूमीवर राष्ट्रवादी काँग्रेस पार्टीच्या इच्छूक उमेदवारांची संख्या अधिक असल्याचे आमदार प्रतापराव पाटील चिखलीकर यांनी सांगितले.
ते आज (दि. ११ ऑक्टोबर) कंधार येथील संपर्क कार्यालयात पत्रकारांशी बोलत होते.
चिखलीकर म्हणाले की, “शिवसेना, भाजप व राष्ट्रवादी काँग्रेस यांच्या युतीबाबत वरिष्ठ पातळीवर निर्णय घेण्यात येईल. पक्ष नेतृत्वाने जो निर्णय घेतला जाईल त्यानुसारच उमेदवारांची घोषणा करण्यात येईल.”मुख्यमंत्री देवेंद्र फडणवीस यांच्या महायुतीच्या प्रयत्नांबाबत माध्यमांमध्ये बातम्या येत आहेत. अशा परिस्थितीत पक्षाचे नेतृत्व घेणारा निर्णयच निर्णायक ठरणार असल्याचे त्यांनी स्पष्ट केले.
“नांदेड जिल्ह्यात राष्ट्रवादी काँग्रेसचा मित्रपक्ष म्हणून निर्णायक वाटा राहील. बरोबरीचे भाऊ म्हणून जे प्रस्ताव येतील त्यावर सर्व काही अवलंबून असेल, आणि त्यावेळी योग्य निर्णय घेतला जाईल,” अशी प्रतिक्रिया त्यांनी पत्रकार परिषदेत दिली.या प्रसंगी बाबुराव केंद्रे, जफर बोहोददीन, स्वप्नील लुंगारे, चेतनभाऊ केंद्रे , निलेश गौर, किशन डफडे , मधु पाटील डांगे यांसह राष्ट्रवादीचे अनेक कार्यकर्ते उपस्थित होते.
About the Author
