कंधार (प्रतिनिधी) —
आज दिनांक १३ ऑक्टोबर रोजी कंधार तालुका काँग्रेस कमिटीच्या वतीने स्थानिक स्वराज्य संस्थेच्या अनुषंगाने कंधार नगरपालिकेसाठी इच्छुक नगराध्यक्ष व नगरसेवक उमेदवारांची बैठक आयोजित करण्यात आली होती. या बैठकीचे आयोजन काँग्रेस तालुकाध्यक्ष संजय भोसीकर यांनी केले होते.
बैठकीत सर्व इच्छुक उमेदवार, पदाधिकारी यांच्याशी संवाद साधून त्यांच्या मतांचा आढावा घेण्यात आला. यावेळी माजी उपनगराध्यक्ष मन्नान भाई चौधरी यांनी स्पष्टपणे नगराध्यक्ष पदासाठी आपली इच्छा व्यक्त केली.
“मलाच संधी द्या, अभी नही तो कभी नही,” असे म्हणत त्यांनी पक्षात आपली नाराजीही व्यक्त केली. त्यांनी पुढे, योग्य वेळी दुसरा पर्याय शोधण्याचा इशाराही दिला.
या बैठकीस काँग्रेस तालुकाध्यक्ष संजय भोसीकर, शहराध्यक्ष म. हम्मीद म. सुलेमान, माजी नगरसेवक शहाजी राजे नळगे, माजी उपनगराध्यक्ष सुधाकर अण्णा कांबळे, अल्पसंख्याक तालुकाध्यक्ष म. अजमोदिन बबर महमद, ओबीसी सेल अध्यक्ष रामभाऊ बनसोडे, माजी नगरसेवक बंडू अण्णा कांबळे, माजी पंचायत समिती सदस्य रामभाऊ देवकांबळे, लोहा-कंधार विधानसभा काँग्रेस समन्वय अध्यक्ष सतीश देवकत्ते, तालुका उपाध्यक्ष दासापाटील कदम, सचिव सुरेश कल्हाळीकर, युवक काँग्रेस शहराध्यक्ष अजय मोरे, माजी सरपंच बालाजी गित्ते, युवानेते महिंद्र कांबळे, राजीव भाऊ मळगे, दिलीप भाऊ पवार, युवक काँग्रेस विधानसभा उपाध्यक्ष स्वप्नील परोडवाड, विद्यार्थी काँग्रेस तालुकाध्यक्ष ऋषीकेश बसवंते, तसेच युवानेते शिवम पा. कुरूळेकर, अविनाश अंबटवाड, म. नय्यरोद्दिन म. खैसोरोद्दिन, ञ्यंबक पा. लाडकेकर यांच्यासह मोठ्या संख्येने पदाधिकारी व कार्यकर्ते उपस्थित होते.
सदरील बैठकीला पत्रकार बांधवही उपस्थित होते. बैठकीत काँग्रेसच्या स्थानिक निवडणूक तयारीला वेग देण्याचे आणि सर्व इच्छुकांना समान संधी देण्याचे आवाहन करण्यात आले.
About the Author
