नांदेड (प्रतिनिधी) – कर्नाटक राज्यातील मैसूर येथील श्री गणपती सचितानंद स्वामीजी हे आज कौठा (ता. नांदेड) येथे मनोज लोहिया यांच्या निवासस्थानी आगमन झाले. यावेळी माजी खासदार तथा आमदार प्रतापराव पाटील चिखलीकर यांनी स्वामीजींची भेट घेऊन त्यांचे आशीर्वाद घेतले.
या प्रसंगी माजी खासदार भास्करराव पाटील खतगावकर, नांदेड दक्षिण विधानसभा मतदारसंघाचे आमदार आनंदराव पाटील बोढारकर, माजी आमदार व राष्ट्रवादी काँग्रेस पार्टी शहर जिल्हाध्यक्ष ओमप्रकाश पोकर्णा, माजी आमदार हणमंतराव पाटील बेटमोगरेकर, राष्ट्रवादी काँग्रेस पार्टी ग्रामीण जिल्हाध्यक्ष शिवराज पाटील होटाळकर, शहर कार्याध्यक्ष माधव पावडे, संजय पाटील इज्जतगावकर, बंडू दायमा यांच्यासह अनेक मान्यवर उपस्थित होते.
कार्यक्रमादरम्यान स्वामीजींनी उपस्थित मान्यवरांना सद्भाव, आध्यात्मिकता व समाजसेवेचा संदेश दिला. कौठा परिसरात स्वामीजींच्या आगमनामुळे धार्मिक व अध्यात्मिक वातावरण निर्माण झाले होते.
About the Author
