कंधार : (दिगांबर वाघमारे )
कंधार तालुका काँग्रेस कमिटीच्या वतीने स्थानिक स्वराज्य संस्थेच्या निवडणुकांच्या पार्श्वभूमीवर आज दि १९ ऑक्टोबर रोजी एक भव्य आढावा बैठक आयोजित करण्यात आली. या बैठकीचे अध्यक्षस्थान नांदेड जिल्हा काँग्रेस कमिटीचे अध्यक्ष तथा माजी आमदार हनमंतराव पाटील बेटमोगरेकर यांनी भूषवले, तर काँग्रेसचे ज्येष्ठ नेते व माजी आमदार ईश्वरराव भोसीकर यांच्या प्रमुख उपस्थितीत ही बैठक पार पडली.
बैठकीत जिल्हा परिषद, पंचायत समिती व नगरपालिका निवडणुका या तीनही पातळ्यांवरील राजकीय घडामोडींवर सविस्तर चर्चा करण्यात आली. इच्छुक उमेदवार व प्रमुख कार्यकर्त्यांसोबत सखोल संवाद साधत निवडणूक रणनीती, संघटनात्मक बळकटी आणि जनसंपर्क मोहिमेवर भर देण्याचे निर्देश जिल्हा नेतृत्वाकडून देण्यात आले.
या प्रसंगी तालुका अध्यक्ष संजय भोसीकर, जिल्हा उपाध्यक्ष राजन देशपांडे, विधानसभा प्रभारी एकनाथराव मोरे, माजी उपसभापती संभाजीराव केंद्रे, शहराध्यक्ष हमीद भाई सुलेमान, माजी नगरसेवक शहाजी नळगे, माजी उपनगराध्यक्ष मन्नान भाई, सुधाकरराव कांबळे, अल्पसंख्यांक तालुकाध्यक्ष अजमोदिन बब्बर मोहम्मद, दासा पाटील, डॉ. गणेश पवळे चिखलीकर, बसवेश्वरराव मंगनाळे, महेश भोसीकर, रामभाऊ देवकांबळे, सतिश देवकत्ते, डॉ. श्रीकांत पांडागळे, सुरेश कल्लाळीकर आदींसह अनेक पदाधिकारी, कार्यकर्ते व पत्रकार बांधव उपस्थित होते.
या बैठकीत काँग्रेस पक्ष मजबूत करण्यासाठी संघटनात्मक एकजूट, ग्रामपातळीवरील संवाद मोहिम घेण्यात आल्याची माहिती जिल्हाध्यक्ष हनमंतराव पाटील बेटमोगरेकर यांनी दिली .
About the Author
