कंधार ; प्रतिनिधी
दिवाळीच्या उत्सवी वातावरणात फुलवळ सर्कलमधील सौ. वर्षाताई भोसीकर यांना मिळणारा नागरिकांचा वाढता प्रतिसाद लक्षवेधी ठरत आहे. दैठणा (ता. कंधार) येथे झालेल्या संवाद बैठकीत याची प्रचिती पुन्हा एकदा आली.
या भेटीदरम्यान श्रीकृष्ण भगवानांचे दर्शन घेऊन आणि रयतेचे राजे छत्रपती शिवाजी महाराजांना अभिवादन करून कार्यक्रमाची सांगता करण्यात आली. त्यानंतर कंधार तालुका काँग्रेस कमिटीचे अध्यक्ष संजय भोसीकर यांनी उपस्थित नागरिकांशी थेट संवाद साधला.
विशेष म्हणजे, ऐन दिवाळीच्या सणात नागरिकांचा उत्स्फूर्त प्रतिसाद पाहायला मिळाला. गावकऱ्यांनी सामाजिक आणि विकासात्मक मुद्यांवर मते व्यक्त करत सौ. वर्षाताई भोसीकर यांना पाठिंबा दर्शविला.
या प्रसंगी शिवम पाटील कुरुळेकर, चेअरमन पांडुरंग पाटील दैठणेकर, विठ्ठल महाराज चौंडे, किशन महाराज चौंडे, मोतीराम पाटील आनकाडे, बालाजी पाटील आनकाडे, माधव आनकाडे, शिवाजी पाटील आनकाडे आदींसह गावातील मोठ्या संख्येने नागरिक उपस्थित होते.
दैठणा येथे झालेल्या या बैठकीमुळे फुलवळ सर्कलमध्ये सौ. वर्षाताई भोसीकर यांच्या प्रचार मोहिमेला नवे बळ मिळाले आहे.
About the Author
