फुलवळ (प्रतिनिधी)
फुलवळ सर्कलमधून सौ. वर्षाताई भोसीकर यांना नागरिकांचा वाढता प्रतिसाद मिळत असून त्या विकासाची दृष्टी असलेल्या कार्यकर्त्या म्हणून ओळखल्या जातात. आपल्या कार्यकाळात त्यांनी राबवलेल्या अनेक विकासकामांमुळे त्यांच्याविषयी जनतेत विश्वास आणि आदर वाढला आहे.
दिवाळी निमित्त आयोजित स्नेहभेटींच्या माध्यमातून त्या कंधार तालुक्यातील गुट्टेवाडी, सोमठाणा तसेच आसपासच्या गावांतील नागरिकांशी संवाद साधत आहेत. या भेटींमध्ये मतदारांनी “वर्षाताई भोसीकर यांच्या कार्यकाळात खऱ्या अर्थाने विकासाची गंगा वाहिली होती” अशा प्रतिक्रिया व्यक्त केल्या.
काँग्रेस तालुकाध्यक्ष संजय भोसीकर यांनी या प्रसंगी कार्यकर्त्यांशी संवाद साधत आगामी निवडणुकीसाठी दिशा दिली. ते म्हणाले, “फुलवळ सर्कलमध्ये पुन्हा एकदा विकासाची गंगा वाहण्यासाठी सौ. वर्षाताई भोसीकर हाच सर्वोत्तम पर्याय आहे. नागरिकांनी पूर्वी त्यांना जिल्हा परिषदेसाठी निवडून दिले होते, तेव्हा जनतेची सेवा भोसीकर परिवारांनी मनापासून केली होती. आगामी पंचवार्षिकात उर्वरित विकासकामे पूर्ण करण्यासाठी आम्ही कटिबद्ध आहोत.”
या स्नेहभेटीत गुट्टेवाडी येथे
काँग्रेस तालुकाध्यक्ष संजय भोसीकर यांच्यासह चेअरमन पांडुरंग पाटील दैठणेकर, गोविंदराव गुट्टे, माजी सरपंच गंगाधर वाघमारे, किशन महाराज चौंडे, मारोती गुट्टे गुरुजी, तिरुपती गुट्टे, राजू गुट्टे, मधुकर गुट्टे आदींची उपस्थिती होती.
तर सोमठाणा येथे
चेअरमन पांडुरंग पाटील दैठणेकर, सरपंच शंकर गित्ते, माजी सरपंच भानुदासराव गित्ते, माधवराव होनराव, बालाजीराव होनराव, बळीराम होनराव, ज्ञानेश्वर वाघमारे यांच्यासह नागरिक मोठ्या संख्येने सहभागी झाले.
सौ. वर्षाताई भोसीकर यांच्या या स्नेहभेटींमुळे फुलवळ सर्कलमध्ये काँग्रेस पक्षाच्या प्रचाराला नवी चालना मिळाली असून गावागावात विकासाची नवचेतना निर्माण झाली .
About the Author
