कंधार : प्रतिनिधी
कंधार तालुक्यातील बहादरपुरा सर्कल हे यंदाच्या जिल्हा परिषद सार्वत्रिक निवडणुकीत सर्वसाधारण महिला प्रवर्गासाठी राखीव सुटले असून, या सर्कलमधून सामाजिक कार्यात पुढाकार घेणाऱ्या सौ. मनीषा पुरुषोत्तम धोंडगे या निवडणुकीच्या रिंगणात उतरणार आहेत.
सौ. धोंडगे या माजी आमदार व खासदार, जेष्ठ स्वातंत्र्य सेनानी भाई डॉ. केशवराव धोंडगे यांच्या सुनबाई असून, शेकापचे माजी जिल्हा परिषद सदस्य भाई डॉ. पुरुषोत्तम धोंडगे यांच्या पत्नी आहेत.
आगामी निवडणुकीच्या पार्श्वभूमीवर मतदारसंघातील जनतेशी संपर्क साधण्यासाठी भेटीगाठींचा दौरा सुरू करण्यात आला आहे. आतापर्यंत पांगरा तांडा, खुड्याचीवाडी, पांगरा, संगूचीवाडी, लालवाडी, सूजनवाडी, मानसपुरी, नवरंगपुरा या गावांतील नागरिकांशी त्यांनी संवाद साधला.
या दौऱ्यादरम्यान माजी जिल्हा परिषद सदस्य भाई डॉ. पुरुषोत्तम धोंडगे यांनी गावोगावी भेट देत नागरिकांशी हितगुज साधले. “गावातील आपल्या माणसांचा आशीर्वाद घेऊन जनतेच्या विश्वासाचा मान राखू,” अशी भूमिका त्यांनी मांडली.
बैठकांदरम्यान गावकऱ्यांनी सौ. मनीषा धोंडगे यांना पूर्ण पाठिंबा दर्शवित — “आपल्या पाठीशी खंबीरपणे उभे राहू” — असा निर्धार व्यक्त केला.
दिवाळीच्या सणात राजकीय वातावरणही रंगत असून, बहादरपुरा सर्कलमध्ये सौ. मनीषा धोंडगे यांच्या उमेदवारीमुळे निवडणुकीला वेगळी चुरस येणार असल्याची चर्चा राजकीय वर्तुळात रंगत आहे.
#ZPNanded2025 #BahadurpuraCircle #ManishaDhondge #Kandhar #DistrictCouncilElection #WomenInPolitics #ShivSena #ShetkariKamgarPaksh #PoliticalUpdates
About the Author
