कंधार ; (दिगांबर वाघमारे )
कंधार तालुक्यात आगामी नगरपालिका निवडणूक 2025 च्या पार्श्वभूमीवर राजकीय घडामोडींना वेग आला आहे. भारतीय जनता पार्टी महिला मोर्चाच्या तालुकाध्यक्ष सौ. जयमंगलाताई शंकरराव औरादकर, तसेच सौ. कल्पना किशनराव गित्ते, सौ. देऊबाई प्रकाशराव गोरे, श्रीमती अनिता संजयराव कदम, कार्यकर्ते गिरीश मामडे व नरहरीराव जिंके यांनी आज आमदार प्रतापराव पाटील चिखलीकर यांच्या नेतृत्वाखाली दिनांक १५ नोव्हेंबर २०२५ रोजी औपचारिकरित्या राष्ट्रवादी काँग्रेस पार्टीत (NCP) प्रवेश केला.
या प्रवेश सोहळ्यामुळे कंधार तालुक्यातील राजकीय समीकरणांमध्ये मोठी हालचाल निर्माण झाली असून, आगामी निवडणुकीच्या दृष्टीने राष्ट्रवादी काँग्रेस पार्टीने एक मजबूत पाऊल उचलल्याचे मानले जात आहे.
कार्यक्रमाच्या अध्यक्षस्थानी राष्ट्रवादी काँग्रेस पार्टीचे प्रदेश सरचिटणीस प्रविण पाटील चिखलीकर होते. तसेच कंधार नगरपालिकेचे माजी नगराध्यक्ष स्वप्नील पाटील लुंगारे, माजी उपनगराध्यक्ष मन्नान चौधरी, माजी उपनगराध्यक्ष जफरोद्दीन बाहोद्दीन, जफर खान, माजी जिल्हा परिषद सदस्य बाबुराव गिरे, कंधार खरेदी विक्री संघाचे अध्यक्ष किशनराव डफडे, सचिन पाटील चिखलीकर, माजी नगरसेवक शैलेश बोरलेपवार, माजी नगरसेवक शेख आसिफ, निलेश गौर, खयुम सेठ, शेख मजर, समीर चाऊस, मधुकर पाटील डांगे, पिंटू कदम आदी मान्यवरांची उपस्थिती होती.
पक्षप्रवेशानंतर बोलताना प्रविण पाटील चिखलीकर यांनी आगामी नगरपालिकेच्या निवडणुकीत राष्ट्रवादी काँग्रेस पार्टी अधिक शक्तिशालीपणे उतरून कंधार शहर व तालुक्यात विकासाचा नवा अध्याय लिहिणार असल्याचे सांगितले. महिलांचा आणि युवकांचा पक्षात वाढता कल हा गौरवाचा विषय असून, कंधारच्या राजकारणात NCP निर्णायक भूमिका घेणार असल्याचा विश्वास त्यांनी व्यक्त केला.
कार्यक्रमाला मोठ्या संख्येने कार्यकर्ते, नागरिक उपस्थित होते. या प्रवेश सोहळ्यामुळे कंधार नगरपालिकेतील निवडणूक 2025 अधिक रंगतदार होण्याची चिन्हे स्पष्टपणे दिसत आहेत.
#NCP #Kandhar #Nanded #LocalElections2025 #NCPForKandhar #AjitPawar #ncpspeaks
About the Author
