कंधार ; प्रतिनिधी
कंधार नगर परिषद निवडणुकीचे नामनिर्देशन पत्र सादर करण्याच्या सहाव्या दिवशी शनिवारी (दि.१५) माजी नगराध्यक्षा सौ. अनुराधा चेतन केंद्रे यांनी उमेदवारी अर्ज दाखल केला आहे. सौ अर्चना माधव भालेराव निवडणूक रिंगणात उतरल्या आहेत यासोबतच आठ जणांनी नगरसेवक पदासाठी नामनिर्देशन पत्र दाखल केले आहेत. सहा दिवसात नगराध्यक्ष पदासाठी दोन तर नगरसेवक पदासाठी एकूण अठरा नामनिर्देशन दाखल झाले आहेत.
जसजशी नामनिर्देशन पत्र दाखल करण्याची तारीख जवळ येत आहे. तसे अर्ज दाखल करण्याच्या प्रक्रियेला वेग येत आहे. नामनिर्देशन पत्र दाखल करण्याच्या सहाव्या दिवशी शनिवार दि. १५ नोव्हेंबर रोजी आ. प्रताप पाटील चिखलीकर यांच्या समर्थक माजी नगराध्यक्षा सौं. अनुराधा केंद्रे यांनी नगराध्यक्ष पदासाठी अर्ज दाखल केला आहे. नगराध्यक्ष पदासाठी आता पर्यंत दोनच अर्ज प्राप्त झाले आहेत.
शनिवारी नगरसेवक पदासाठी हिंदवी बाणा चे संपादक माधव भालेराव यांच्या पत्नी ९ब अर्चना भालेराव यांनी प्रभाग ९ ब मधून आपले नामनिदेशन पत्र दाखल केले तसेच प्रभाग १ अ वैशाली बसवंते, २ ब शेख ईरफान सुलतान, ६ ब मिना लुंगारे, ७ अ सोनी मळगे, ८ अ दिक्षा डूमने, व राधा निलेवाड या आठ जणांनी अर्ज दाखल केले आहेत.
About the Author
