कंधार ; प्रतिनिधी
कंधार नगरपालीका निवडणूक 2025 चे नामनिर्देशन दाखल करण्याच्या शेवटच्या दिवशी कॉग्रेस महाविकास आघाडीच्या वतीने नगराध्यक्ष पदासाठी शहाजी अरविंदराव नळगे यांचा फार्म भरण्यात आले .तसेच राष्ट्रवादी कॉग्रेस (अजित पवार ) आमदार प्रतापराव पाटील चिखलीकर यांच्या वतीने स्वप्नील पाटील लुंगारे तर भाजपा च्या वतीने गंगाप्रसाद यन्नावार यांच्यात तिरंगी लढत होणार आहे .
यावेळी नगरपालीका निवडणूक निर्णय अधिकारी तथा तहसीलदार रामेश्वर गोरे यांनी फार्म स्विकारला यावेळी कॉग्रेस -शिवसेना ( ऊबाठा ) राष्ट्रवादी शरद पवार , वंचित बहुजन आघाडी , मुस्लीम लिग च्या वतीने माजी आमदार ईश्वरराव भोसीकर , कंधार तालुकाध्यक्ष संजय भोसीकर , गणेश कुंटेवार , आदीसह मान्यवरांची उपस्थिती होती .
आज कंधार नगरपरिषद निवडणुकीच्या अनुषंगाने भारतीय जनता पार्टीचे सर्व उमेदवारांचे नामनिर्देशन पत्र व ए बी फॉर्म निवडणूक निर्णय अधिकारी कंधार यांच्याकडे सुपूर्द करण्यात आले यावेळी जिल्ह्याचे उपाध्यक्ष डॉक्टर सुनील धोंडगे लोहा उत्तर मंडळाचे अध्यक्ष चंद्रसेन पाटील, माजी पंचायत समिती सदस्य उत्तम चव्हाण, मुन्ना खाडे ,उमेदवार माधव मुंडे, सरपंच अशोक गीते यांची उपस्थिती होती .
तसेच राष्ट्रवादी काँग्रेस पार्टीचे वतीने प्रविण पाटील चिखलीकर यांच्या नेतृत्वाखाली राष्ट्रवादी कॉग्रेस (अजित पवार ) आमदार प्रतापराव पाटील चिखलीकर यांच्या वतीने स्वप्नील पाटील लुंगारे यांचा व सर्व उमेदवारांचे नामनिर्देशन पत्र व ए बी फॉर्म निवडणूक निर्णय अधिकारी कंधार यांच्याकडे सुपूर्द करण्यात आले . यावेळी ॲड मुक्तेश्वर धोंडगे , जफर बाहोददीन , किशन डफडे , मधुकर पाटील डांगे , मन्नान चौधरी, जफरूला बेग , निलेश गौर आदीसह कार्यकर्ते उपस्थित होते .
About the Author
