कंधार ; प्रतिनिधी
दिनांक 18 नोव्हेंबर 2025 रोजी, नामनिर्देशन पत्र छाननी करण्याच्या दिवशी मा. निवडणूक निर्णय अधिकारी, नगर परिषद सार्वत्रिक निवडणूक 2025 यांच्या कक्षामध्ये मा. राज्य निवडणूक आयोग यांच्या वेळोवेळी प्राप्त झालेल्या आदेशानुसार, नगराध्यक्ष पदाची उमेदवार, सूचक तसेच नगरसेवक पदासाठीचे उमेदवार, सूचक यांना बोलावून प्रभागनुसार नामनिर्देशन फॉर्म यांची छाननी करण्यात आली.
यावेळी मा. निवडणूक निर्णय अधिकारी श्री. रामेश्वर गोरे यांनी प्रत्येक अपात्र करण्यात आलेल्या नामनिर्देशन पत्राकरिता लागू असलेले कारण जाहीर केले व त्यांचा फॉर्म अपात्र झाला म्हणून कळविले.
सदरील छाननी दरम्यान नगराध्यक्ष पदासाठी आलेल्या एकूण 08 नामनिर्देशन पत्रापैकी 04नामनिर्देशनपत्र अपात्र झाली असून 04 नाम निर्देशनपत्र पात्र झाली आहेत. तर नगरसेवक पदासाठी आलेल्या एकूण 120 नामनिर्देशक पत्रापैकी 20 नामनिर्देशनपत्र अपात्र होऊन 100 नामनिर्देशन पत्र पात्र झाली आहेत.
वैधरित्या नामनिर्देशित केलेल्या उमेदवारांची यादी प्रसिद्ध झाल्याच्या तारखेपासून तीन दिवसाच्या आत जिल्हा न्यायाधीशा यांचेकडे उमेदवारास अपील करता येईल.
तरी नामनिर्देशन पत्र मागे घेण्याचा कालावधी नामनिर्देशन पत्र छाननी नंतर ते 21 नोव्हेंबर 2025 दुपारी 03.00 वाजेपर्यंत राहील व त्यानंतर मा. राज्य निवडणूक आयोगामार्फत नेमून दिलेप्रमाणे पुढील निवडणूक कार्यक्रम राबविण्यात येईल. अशी माहिती निवडणूक निर्णय अधिकारी श्री. रामेश्वर गोरे यांनी दिली.
नगराध्यक्ष पदासाठी शहाजी नळगे ( कॉग्रेस), स्वप्नील पाटील लुंगारे ( राष्ट्रवादी काँग्रेस अजीत पवार गट ) गंगाप्रसाद यन्नावार ( भाजपा ), चेतन भाऊ केंद्रे ( अपक्ष ) अशी चार अर्ज छाननी अंती अंतीम झाले आहेत . दरम्यान अर्ज उचलून घेण्याच्या दिवशी म्हणजे २१ नोव्हेंबर रोजी खऱ्या अर्थाने निवडणूक रिंगणात कोण कोण असेल हे नक्की होईल .
About the Author
