मुखेड: प्रतिनिधी
सुप्रभात मित्रमंडळ मुखेडच्या वतीने दिवंगत डॉ. एस. एन. कोडगिरे (नाना) यांना श्रद्धांजली अर्पण करण्याचा कार्यक्रम कोत्तावार ऑईलमील मुखेड येथे घेण्यात आला.शोकसभेच्या अध्यक्षस्थानी सुप्रभातमित्र मंडळाचे संस्थापक अध्यक्ष मुखेडभूषण डॉ. दिलीपराव पुंडे होते तर सुप्रभातचे अध्यक्ष लक्ष्मण पत्तेवार, कार्याध्यक्ष अशोक कोत्तावार संघटक उत्तम कुलकर्णी यांची प्रमुख उपस्थिती होती.
यावेळी डॉ.दिलीपराव पुंडे, डॉ.एम.जे. इंगोले, डॉ. आर.जी. स्वामी, लक्ष्मण पत्तेवार, अशोक कोत्तावार, उत्तम कुलकर्णी नंदकुमार मडगूळवार, दादाराव आगलावे, शिवाजी कोनापुरे यांनी स्व. डॉ. एस.एन. कोडगिरे यांच्या सहवासातील आठवणींना उजाळा देत विविध पैलूवरती प्रकाश टाकला. यावेळी मुखेड भूषण डॉ. दिलीपराव पुंडे म्हणाले की, डॉ. एस.एन. कोडगिरे साहेब व मी मुखेड येथील तत्कालीन ग्रामीण रुग्णालयात एकत्रित काम केले.
वैद्यकीय क्षेत्राबरोबरच त्यांचा धार्मिक क्षेत्रातही वावर होता. आपले कुटुंब सांभाळत त्यांनी रुग्णांना अहोरात्र सेवा दिली. शेवटी दोन मिनिटे सामूहिक श्रद्धांजली वाहून शोकसभेची सांगता करण्यात आली. शोकसभेचे सूत्रसंचालन दादाराव आगलावे यांनी केले. यावेळी सुप्रभात मित्र मंडळाचे अनेक सदस्य उपस्थित होते.
About the Author
