कंधार ; प्रतिनिधी
महाराष्ट्र राज्याचे उपमुख्यमंत्री अजित दादा पवार यांची कंधार- लोहा नगराध्यक्ष पदासाठी राष्ट्रवादी काँग्रेस पार्टीचे दोन उमेदवार आमदार प्रताप पाटील चिखलीकर यांचे कट्टर समर्थक कंधार चे नगराध्यक्ष उमेदवार हणमंत ( स्वप्नील)पाटील लुंगारे व लोहा नगराध्यक्ष चे उमेदवार शरद पाटील पवार त्यांच्यासह राष्ट्रवादी काँग्रेसच्या नगरसेवक उमेदवारांना प्रचंड मतांनी निवडून देण्यात यावे यासाठी कंधार येथील छत्रपती शिवाजी महाराज चौक येथे जाहीर सभा पार पडली.
कंधार ही ऐतिहासिक आणि सांस्कृतिक नगरी आहे. या शहराला स्वातंत्र्य लढ्याचा वेगळा वारसा आणि इतिहास लाभलेला आहे. १९६३ साली स्थापन झालेली कंधार नगरपालिका आजही त्या वारशाचा अभिमान बाळगते. कंधार आणि लोहा ह्या दोन्ही ठिकाणच्या मतदारांनी आमच्या उमेदवारांना आशीर्वाद द्यावा, त्यांना मोठ्या मताधिक्यानं विजयी करावं. जनकल्याणाच्या कार्यात आमचे उमेदवार कुठेही कमी पडणार नाहीत. राष्ट्रवादी काँग्रेस पक्षाचे कंधार नगराध्यक्ष पदाचे अधिकृत उमेदवार श्री. स्वप्नील (हनुमंत) विश्वनाथ लुंगारे, लोहा नगराध्यक्ष पदाचे उमेदवार श्री. शरद पवार आणि नगरसेवक पदाचे सर्व उमेदवार यांच्या प्रचारार्थ आयोजित सभेत उपस्थितांना महाराष्ट्र राज्याचे उपमुख्यमंत्री अजित दादा पवार यांनी संबोधित केले.
ते पुढे म्हणाले की युगपुरुष छत्रपती शिवाजी महाराज, राजर्षी छत्रपती शाहू महाराज, क्रांतिसूर्य महात्मा फुले आणि महामानव डॉ. बाबासाहेब आंबेडकर यांच्या विचारधारेनं राष्टवादी काँग्रेस पक्ष पुढे चालत राहिला आहे. कंधार शहरात एक तरुण, शिक्षित आणि विकासाभिमुख उमेदवार हा नगराध्यक्ष पदासाठी आम्ही उभा केला आहे, तर लोहा येथे शेतकरी कुटुंबातील आमचा सहकारी, उमेदवार म्हणून उभा आहे. ही निवडणूक कंधार आणि लोहाच्या विकासाची निवडणूक आहे. पुढील विकासाला दिशा देणारी निवडणूक आहे. शैक्षणिक, सामाजिक आणि शहरी क्षेत्रातील विकासाला चालना देणारी ही निवडणूक आहे.
कंधारच्या विकासासाठी जेवढी मदत करता येईल ती आम्ही करू. विकासाला गती देणं आवश्यक आहे. आम्ही पिंपरी-चिंचवड आणि बारामतीत उत्तम पद्धतीनं विकासकामं मार्गी लावली आहेत. सर्वांना बरोबर घेऊन चालायचं आहे. अत्याधुनिक व्यापारपेठ, वाढत्या शहरासाठी मजबूत मूलभूत सुविधा हे सगळं उभारायचं आहे, असं सभेच्या निमित्तानं स्पष्ट केलं.
चालू असलेली विकासकामं पूर्णत्वास न्यायची आहेत. आम्ही काम करणारी माणसं आहोत. आम्ही शब्दाचे पक्के आहोत. तुम्ही साथ द्या, आम्ही तुम्हाला साथ देऊ. काही नवे आणि काही अनुभवी उमेदवार दिले आहेत. नव्या-जुन्याचा समन्वय साधून कंधार आणि लोहाचा विकास साधायचा आहे. दोन्ही शहरांच्या उज्ज्वल भविष्यासाठी ही टीम उभी केली आहे. घड्याळावरील बटण दाबा आणि आमचे उमेदवार भरघोस मतांनी विजयी करा, असं त्यांनी शेवटी आवाहन केलं.
यावेळी लोहा _कंधार येथील नगरपरिषद सार्वत्रिक निवडणूक 2025 च्या अनुषंगाने राष्ट्रवादी काँग्रेस पार्टीच्या अधिकृत उमेदवारांच्या व नगराध्यक्ष पदाच्या उमेदवाराच्या प्रचारात मार्गदर्शन करताना यावेळी आमदार प्रतापराव पाटील चिखलीकर, माजी खासदार भास्करराव पाटील खतगावकर, माजी आमदार ओमप्रकाश पोकर्णा, माजी आमदार मोहनराव हंबर्डे, माजी आमदार अविनाश घाटे, माजी आमदार सुभाष साबणे, कंधार नगरपरिषदेचे अध्यक्ष पदाचे उमेदवार स्वप्निल ( हनुमंत ) पाटील लुंगारे, लोहा नगरपरिषदेचे अध्यक्ष पदाचे अध्यक्ष उमेदवार शरद पवार, नांदेड उत्तर जिल्हाध्यक्ष बाळासाहेब पाटील रावणगावकर, नांदेड दक्षिण जिल्हाध्यक्ष शिवराज पाटील होटाळकर, कार्याध्यक्ष माधव पावडे, प्रदेश सरचिटणीस प्रवीण पाटील चिखलीकर,एडवोकेट मुक्तेश्वर धोंडगे, चित्राताई लुंगारे, मनोहर भोसीकर, माजी नगराध्यक्षा अनुराधा चेतन केंद्रे , जफर बाहोदीन , किशन डफडे , मधुकर डांगे , मन्नान चौधरी , चेतनभाऊ केंद्रे , निलेश गौर ,यांच्यासह मोठ्या संख्येने मतदार उपस्थित होते .
About the Author
