कंधार दि.४ (ता. प्र.)
शहरातील शासकीय वसाहत असलेल्या राम रहीम नगर येथे ⁰p
सार्वजनिक बांधकाम उपविभाग कंधारl अंतर्गतk गुत्तेदाराकडून लॉ कॉलेज ते जाधव हॉस्पिटल पर्यंतच्या सीसी रस्त्याचे काम सध्या प्रगतीपथावर आहे.परंतु याच रस्त्याच्या दोन्ही बाजूने सिमेंट काँक्रीट ची मजबूत नाली लॉ कॉलेज ते लुंगारे दिगंबर पाटील यांच्या शेतापर्यंत बांधण्यात आली आहे.मात्र तेथून पुढे अद्यापही नालीचे बांधकाम सुरू करण्यात आले नाही.रामरहीम नगर येथीही नाली नसल्याने नागरिकांना पावसाळ्यात अनेक समस्यांना तोंड द्यावे लागणार आहे.अनेकांच्या घरात पाणी शिरणार आहे.त्यामुळे किमान रामरहीम नगर या शासकीय वसाहतीतील शेख जिलानी यांच्या घरापासून ते शहा सुलतान यांच्या घरापर्यंत रस्त्याच्या दोन्ही बाजूने सिमेंट काँक्रीटच्या मोठ्या नालीचे बांधकाम करून प्रशासनाने भविष्यात होणारे नुकसान टाळावे.अशी मागणी सदरील निवेदनाद्वारे करण्यात आली असून या निवेदनावर शेख मकसूद,शेख सुलतान,सय्यद सुलतान,शेख तालेबअली,सूर्यवंशी धोंडीबा,यमुलवाड चांदू, यादव कुदळकर,काशिम धोंगडे,भगवान राशीवंत,याकूब शेख,देविदास आगलावे,केशव शिंदे,केशव कांबळे,नागू पवार,शहा सुलतान,शेख समीर आदींसह अनेकांच्या स्वाक्षऱ्या आहेत.या निवेदनाच्या प्रती महाराष्ट्र राज्याचे उपमुख्यमंत्री अजित पवार,लोहा- कंधार विधानसभा मतदारसंघाचे कर्तव्यदक्ष आमदार प्रतापराव पाटील चिखलीकर,उपविभागीय अधिकारी कंधार,तहसीलदार कंधार,मुख्याधिकारी कंधार आदींना दिल्या आहेत.
About the Author
