मुखेड: (दादाराव आगलावे )
शहरातील बा-हाळी चौकात राहणाऱ्या पित्याने सरपंच निवडणुकीत तिसरे आपत्य अडसर येईल या भितीपोटी पोटच्या ७ वर्षीय मुलीस तेलंगणा राज्यातील कटापल्ली-बोधन रोडवरील कॅनॉलमध्ये फेकून जीवे मारले.
याबाबत तेलंगणा पोलिसांनी मुखेड पोलिस ठाण्यात संपर्क केला.मुखेड शहरातील बा-हाळी चौकात वास्तव्य करणारा पांडुरंग बाबूराव कोंडामंगले (रा. केरूर, वय ३२)
येडपल्ली पोलिसांनी मुखेड येथून आरोपीस उचलले.पांडुरंग कोंडामंगले हा केरूर ता.मुखेड येथील रहिवाशी असून त्याला समाजसेवेची आवड आहे. समाजसेवा करत बा-हाळी चौक येथे कटींगचे दुकान चालवतो. केरूळ येथील ग्रामपंचायत सरपंचपद ओबीसी महिला प्रवर्गासाठी आरक्षित झाले असून सध्या आपणासच सरपंच पदाचे दावेदार आहोत असे मनात ठरवले परंतु त्याला यापूर्वी पहिले जुळे व नंतर एक अशी एकूण तीन आपत्य आहेत. तीन अपत्य असल्याकारणाने आपले सरपंच पद हुकेल हे त्याच्या डोक्यात बसले व त्यांनी आपल्या एका मुलीचा काटा काढण्याचे मनोमन ठरविले असावे असा अंदाज ग्रामस्थांमधून व्यक्त होत आहे.नराधमाने मुलगी प्राची हीस दुपारी १२ वाजेच्या सुमारास दुचाकी वाहनावर बसविले आणि पत्नीस नांदेडला जातो म्हणून तेलंगणा राज्यातील कडपल्ली येथील रस्त्यालगत असलेल्या कॅनॉलमध्ये फेकून दिले आणि सायंकाळी मुखेड येथे परत एकटाच आला. तेलंगणातील स्थानिकांनी पाण्यात बुडून मृत्यू पावलेल्या मुलीस पाण्याबाहेर काढून पोलिसांना कळविले. तेलंगणा पोलिसाच्या सूचनेनुसार मुखेड पोलिसांनी आरोपी पांडुरंग कोंडामंगले यास चौकशीसाठी बोलावले. प्रारंभी माझी मुलगी हरवली असल्याचे कोंडामंगले यांनी उडवाउडीचे उत्तरे दिले परंतु पोलिसांनी आपला खाक्या दाखवताच त्यांनी मुलीवर खर्च जास्त होत असल्यामुळे मुलीला मी तेलंगणात मारून फेकले असल्याची कबुली दिली. पुन्हा कोंडामंगले यांना मुखेड पोलिसांनी तेलंगणा पोलिसाच्या ताब्यामध्ये दिले. सदरील घटना अत्यंत क्रूर असून सत्तेच्या लालशेपोटी व्यक्ती कुठल्याही थराला जाऊ शकतो हे सदरील घटनेमुळे निष्पन्न झाले आहे. सदरील आरोपीस फाशीची शिक्षा झाली पाहिजे अशी जनतेतून मागणी जोर धरत आहे. घटनेचा अधिक तपास तेलंगणा पोलीस करत आहेत.
पांडुरंग कोंडामंगले यांना प्रारंभी दोन जुळ्या मुली झाल्या व त्यानंतर एक मुलगा झाला. आपल्या लेकरावरती तो अतोनात प्रेम करायचा. तो आपल्या पाल्याची हत्या कसा करू शकतो? असेही अनेक ग्रामस्थांच्या तोडून ऐकावयास मिळाले. सत्य घटना काय आहे हे चौकशीनंतरच समजेल.
About the Author
