कंधार : प्रतिनिधी
दिवंगत उपमुख्यमंत्री अजितदादा पवार यांचा अस्थीकलश ता. ३ फेब्रुवारी रोज मंगळवारी मुखेड वरून कंधारकडे जात असतांना सायंकाळी ६:३० वाजता फुलवळ ता. कंधार येथे दाखल झाला. दिवंगत अजित पवार यांचे अस्थीकलश येथील छत्रपती शिवाजी महाराज चौक येथे दर्शन घेण्याकरिता ठेवण्यात आले होते. यावेळी अस्थिकलशाचे उपस्थितांनी दर्शन घेत असताना प्रत्येकाला अश्रू अनावर झाले होते.
नागरिकांकडून अस्थिकलशाचे दर्शन घेत एक मिनिट स्तब्ध उभे राहून सामुदायिक श्रद्धांजली अर्पण करण्यात आली. यावेळी अजितदादा अमर रहे , दादा परत या.. च्या घोषणा देण्यात आल्या.
यावेळी अस्थिकलश रथ यात्रेत माजी आमदार सुभाष साबणे , आ. मोहन अण्णा हंबर्डे , प्रवीण पाटील चिखलीकर , रावणगावकर सह अनेकांचा समावेश होता.
फुलवळ येथे सेवा सहकारी सोसायटी चे चेअरमन दत्ता डांगे यांच्या पुढाकारातून छत्रपती शिवाजी चौक येथे शोकसभेचे आयोजन करण्यात आले होते. उपस्थित सर्वांनी येथे दिवंगत उपमुख्यमंत्री अजितदादा पवार यांच्या प्रतिमेचे पूजन केले त्यानंतर उपस्थितांनी एक मिनिटाची सामुदायिक आदरांजली अर्पण केली.यावेळी फुलवळ येथील सर्व पत्रकार , ग्राम पंचायत चे , सेवा सहकारी सोसायटी चे सर्व पदाधिकारी , गावातील नागरिक मोठ्या संख्येने उपस्थित होते.
