अहमदपूर ( प्रा भगवान आमलापुरे)
येथील किलबिल नॅशनल स्कूल, अहमदपूर येथे बालसाहित्यिक शिवाजी कराड यांच्या ‘किलबिलवाडी’ या बालकवितासंग्रहाचे प्रकाशन मोठ्या उत्साहात पार पडले. या पुस्तकाचे प्रकाशन आमदार बब्रुवाहन खांदाडे साहेब यांच्या शुभहस्ते करण्यात आले.
या कार्यक्रमास ओम भाऊ पुने, डी. सिद्धार्थकुमार सूर्यवंशी, ज्युनिअर जॉनी लिव्हर, संस्थेचे अध्यक्ष ज्ञानोबा भोसले सर, शाळेचे प्राचार्य संतोष पाटील सर, सचिन जगताप सर यांच्यासह अनेक मान्यवरांची उपस्थिती लाभली.
बालमनावर सकारात्मक संस्कार घडविणारे व कल्पनाविश्व विस्तार करणारे ‘किलबिलवाडी’ हे पुस्तक असल्याबद्दल मान्यवरांनी विशेष कौतुक व्यक्त केले. शिवाजी कराड यांचा हा तिसरा संग्रह असून, मराठी बालसाहित्य समृद्ध करणाऱ्या या उपक्रमाबद्दल त्यांचे अभिनंदन करण्यात आले.कार्यक्रम यशस्वी होण्यासाठी किलबिल नॅशनल स्कूलच्या शिक्षकवृंद व कर्मचाऱ्यांनी विशेष परिश्रम घेतले. कार्यक्रमाचे सूत्रसंचालन सचिन जगताप सर यांनी केले, तर आभारप्रदर्शन उपप्राचार्य राज शिराळे सर यांनी केले.
About the Author
