धर्मापुरी (प्रतिनिधी)
येथील कै. शंकरराव गुट्टे ग्रामीण महाविद्यालय, धर्मापुरी आणि वसुंधरा महाविद्यालय घाट नांदूरतील हिंदी विभागच्या एम.ओ.यु अंतर्गत अध्ययन यात्रा व साहित्यकार का साक्षात्कार या कार्यक्रमांतर्गत घाटनांदुर येथील रेल्वे स्टेशन व वृद्धआश्रमाला विद्यार्थ्यांनी भेट दिली.
या अध्ययन यात्रेत घाटनांदुर येथील रेल्वे स्टेशनला भेट देऊन रेल्वेचे प्रशासन व रेल्वे खात्यामध्ये हिंदी विषयाचे महत्त्व समजून घेतले. या कार्यक्रमाचे अध्यक्ष प्रा. डॉ. अमोल गंगणे होते तर प्रमुख पाहुणे पॉईंट्समँन आझादकुमर होते. त्यानंतर घाटनांदुर येथील गुरुदास सेवा आश्रमाला विद्यार्थ्यांनी भेट दिली. यावेळी विद्यार्थ्यांनी वृद्धां सोबत वार्तालाप करून त्यांचे दुःख समजून घेतले. वृद्धांचे दुःख समजून घेत असताना विद्यार्थ्यांच्या डोळ्यांमध्ये अश्रू आले व विद्यार्थी त्यांच्या दुःखाने गहिवरले. तसेच वृद्धांना अल्पोहार देण्यात आला. येथेच साहित्यकार का साक्षात्कार कार्यक्रम घेण्यात आला. या कार्यक्रमाचे अध्यक्ष प्रा.डॉ.प्रकाश देशमुख होते तर प्रमुख पाहुणे खोलेश्वर महाविद्यालयातील कवयत्री प्रा. डॉ गंगा शेळके होत्या. यावेळी मंचावर ग्रंथमित्र नरहरी मंठेकर, यमुनाताई सोनवणे, शामाताई दहिवाळ, प्रा. डॉ. गजानन सवने,प्रा. डॉ.जे.पी कोकणे, प्रा.डॉ.शिंदे एस वाय,हिंदी विभाग प्रमुख प्रा. डॉ.बायजा कोठुळे,प्रा. डॉ. विश्वनाथ जंगीटवार ,प्रा. डॉ.पांडुरंग रणमाळ उपस्थित होते. यावेळी प्रा. डॉ.शेळके म्हणाले की, साहित्य म्हणजे काय,साहित्याने समाजाला, देशाला व जगाला अनेक गोष्टी भेट दिल्या आहेत हे विसरता येत नाही. आज वृद्धांच्या समस्यावर अनेकांगी लेखन होत आहे व त्यांच्या सुख, दुःख वेदनाचा इतिहास लिहिला जात आहे असे भाष्य केले. अध्यक्षीय समारोपात प्रा.डॉ. देशमुख यांनी विद्यार्थ्यांना भारतात वृद्धआश्रम वाढवण्याच्या कारणावर भाष्य केले .यावेळी शामाताई दहिवाळ यांनी गुरुदास आश्रमाचा इतिहास सांगून गुरुचे महत्व सांगितले.
या कार्यक्रमाचे प्रास्ताविक प्रा. डॉ.विश्वनाथ जंगीटवार यांनी केले तर सूत्रसंचालन प्रा. डॉ. गजानन सवने व आभार प्रा. डॉ.बायजा कोटुळे यांनी मानले. हा कार्यक्रम यशस्वी करण्यासाठी प्रा.डॉ. मकरंद जोगदंड प्रा. अमलापुरे बी.के. प्रा. डॉ . रमाकांत गजलवार,प्रा. वैभवी सूर्यवंशी प्रा.साक्षी दहिवडे प्रा. कापसे मॅडम प्रा.शेटे प्रा. अशोक धर्माधिकारी यांनी मेहनत घेतली. यावेळी महाविद्यालयातील प्राध्यापक, शिक्षकेतर कर्मचारी, विद्यार्थी व आश्रमातील वृद्ध व कर्मचारी मोठ्या संख्येने उपस्थित होते.
About the Author
