धर्मापुरी ( प्रा भगवान आमलापुरे )
येथील कै शं गु ग्रामीण कला वाणिज्य व विज्ञान महाविद्यालयातील वनस्पती शास्त्र विभागातील प्रा डॉ सौ शिंदे एस वाय यांना भारत सरकारच्या पेटंट कार्यालयाकडून पेटंट मिळाले आहे. त्याबद्दल त्यांचे सर्वत्र अभिनंदन होत आहे. त्यांना Portable plantlet Acclimatization chamber या नाविन्यपूर्ण उपकरणासाठी भारत सरकारच्या पेटंट कार्यालयाकडून पेटंट मिळाले आहे. कै शं गु ग्रामीण कला वाणिज्य व विज्ञान महाविद्यालयातील वनस्पती शास्त्र विभागास मिळालेले हे तीसरे पेटंट आहे. त्याबद्दल त्यांचे सर्वत्र अभिनंदन होत आहे.कृषी व वनस्पती ऊतकसंवर्धन (Plant Tissue Culture) क्षेत्रात रोपांचे सुरक्षित जुळवणी (Acclimatization) करण्यासाठी हे पोर्टेबल चेंबर अत्यंत उपयुक्त ठरणार आहे.
रोपांना प्रयोगशाळेतील नियंत्रित वातावरणातून नैसर्गिक वातावरणात स्थलांतरित करताना तापमान, आर्द्रता व बाह्य ताण यांचा परिणाम कमी करण्यासाठी या चेंबरची रचना करण्यात आली आहे. त्यामुळे रोपांचे जिवंत राहण्याचे प्रमाण वाढण्यास मदत होणार असून कृषी संशोधन, नर्सरी उद्योग आणि शैक्षणिक प्रयोगशाळांसाठी हे उपकरण विशेष फायदेशीर ठरेल.
या यशामुळे भारतीय संशोधन क्षेत्रात नवोन्मेषाला चालना मिळत असून, शाश्वत शेती व जैवतंत्रज्ञान क्षेत्रासाठी ही एक महत्त्वाची पायरी मानली जात आहे. प्राचार्य डॉ होळंबे टी एल. अध्यक्ष डॉ शिवाजीराव गुट्टे आण्णा, विभाग प्रमुख प्रा डॉ देशमुख पी डी,प्रा डॉ सानप एस बी आणि सर्व प्राध्यापक आणि प्राध्यापकेतर कर्मचाऱ्यांनी त्यांचे अभिनंदन केले आहे. दरम्यान गुलमोहर हा ले कर्नल, बाबुराव हरणे माळेगावकर, निवृत्त,लिखीत कविता संग्रह भेट देऊन त्यांचा सत्कार करताना प्रा भगवान आमलापुरे, प्रा डॉ मोमले आर जी आणि प्रा डॉ कासारे एस एल.
About the Author
