मुखेड :. प्रतिनिधी
अखिल भारतीय श्री स्वामी समर्थ सेवा केंद्र, नागेंद्र मंदिर अंतर्गत बालसंस्कार व युवा प्रबोधन विभागाच्या वतीने एकदिवसीय मूल्यसंस्कार व विज्ञान प्रदर्शन कार्यक्रमाचे आयोजन करण्यात आले. या उपक्रमाला मुखेड शहरातील विविध विद्यालयांमधील तब्बल ६४० विद्यार्थ्यांचा उत्स्फूर्त सहभाग लाभला.
कार्यक्रमात विद्यार्थ्यांना अध्यात्म व विज्ञान यांचा समन्वय साधत मार्गदर्शन करण्यात आले. विद्यार्थ्यांनी सादर केलेल्या विविध विज्ञान प्रकल्पांनी उपस्थितांचे लक्ष वेधून घेतले.वैज्ञानिक दृष्टिकोन, प्रयोगशीलता आणि मूल्याधिष्ठित विचार यांचा संगम या प्रदर्शनातून ठळकपणे दिसून आला. या यशस्वी उपक्रमासाठी केंद्रातील अनेक सेवेकरी उपस्थित होते. त्यांच्या मार्गदर्शनामुळे व सहकार्यामुळे कार्यक्रम शिस्तबद्ध व प्रेरणादायी वातावरणात पार पडला.
विद्यार्थ्यांच्या जिज्ञासा, सर्जनशीलता आणि आत्मविश्वासाला चालना देणारा हा उपक्रम सर्वत्र कौतुकास्पद ठरला.
About the Author
