नांदेड : प्रतिनिधी
दि. ५ मार्च २०२६ रोजी नांदेड येथील शासकीय विश्रामगृहात बहुजन समाज पार्टीच्या विभागीय स्तरावरील प्रमुख झोन प्रभारी व प्रमुख कार्यकर्त्यांची बैठक पार पडली.परभणी येथे १५ मार्चला मान्यवर कांशीराम जयंतीचे आयोजन करण्यात आली असल्याची माहिती बहुजन समाज पार्टीचे प्रदेश प्रभारी प्रा. डॉ. संतोष शिंदे यांनी दिली.
या बैठकीत बसपाच्या प्रदेश कमिटीच्या ठरावानुसार आणि पक्षाचे राष्ट्रीय समन्वयक तथा राज्यसभा खासदार रामजी गौतम तसेच प्रदेशाध्यक्ष अॅड. सुनिल डोंगरे यांच्या मार्गदर्शनानुसार कार्यक्रमाचे नियोजन करण्यात आले आहे.
दि. १५ मार्च २०२६ रोजी परभणी येथे मान्यवर कांशीरामजी यांच्या जयंतीनिमित्त भव्य कार्यक्रम आयोजित करण्यात येणार आहे. या निमित्ताने बहुजन समाजातील एससी, एसटी, ओबीसी व मायनॉरिटी समाजाला संघटित करून महाराष्ट्रात बहुजनांना सत्ताधारी समाज बनविण्याचा निर्धार करण्याचा संदेश संपूर्ण विभागात दिला जाणार असल्याचे सांगण्यात आले.
यावेळी बहुजन समाज पार्टीचे प्रदेश प्रभारी प्रा. डॉ. संतोष शिंदे यांनी विभागातील सर्व कार्यकर्ते, जिल्हाध्यक्ष व झोन प्रभारी यांनी परभणी येथील कार्यक्रम यशस्वी करण्यासाठी सक्रिय सहभाग नोंदवावा, असे आवाहन केले.
About the Author
