कंधार : प्रतिनिधी
जवाहर नवोदय विद्यालय प्रवेश परीक्षेत कंधार येथील गरुड झेप कोचिंग क्लासेसच्या विद्यार्थ्यांनी उल्लेखनीय यश संपादन केले आहे. यामध्ये प्रज्वल मुरलीधर हंकारे (जि.प. केंद्र कन्या शाळा माळाकोळी) याने 91.75 टक्के गुण मिळवत नवोदय विद्यालय प्रवेशासाठी पात्रता मिळवली आहे.
तसेच या परीक्षेत साईराज तुळशीराम चितळकर (91%), शौर्य उदयसिंग चव्हाण (90.00%), कु. प्राची गोविंद जाधव (82.50%), शांभवी गुरुनाथ पेटकर (81.25%), देवपूजा ईश्वरी अशोक (73.75%), श्रीपाद बालाजी गुंडाळे (65.00%) आणि ऋग्वेद राजू केंद्रे (62.50%) या विद्यार्थ्यांनीही यश मिळवले आहे.
या यशस्वी विद्यार्थ्यांचा दि. 18 मार्च रोजी कंधार येथे गरुड झेप कोचिंग क्लासेसच्या वतीने पुष्पहार घालून सत्कार करण्यात आला. यावेळी संस्थेचे संचालक माणिक बोरकर व रंजना लुंगारे यांनी विद्यार्थ्यांचे अभिनंदन करून पुढील शैक्षणिक वाटचालीस शुभेच्छा दिल्या.
या यशामुळे परिसरात विद्यार्थ्यांचे कौतूक होत असून पालक वर्गातून समाधान व्यक्त होत आहे, गरुड झेप कोचिंग क्लासेसच्या गुणवत्तापूर्ण मार्गदर्शनाचे कौतुक होत आहे.
About the Author
