कंधार / ( दिगांबर वाघमारे )
पवार कुटुंबीयांच्या वतीने दि. १४ मार्च रोजी कंधार येथे सर्वधर्मीय सामूहिक विवाह सोहळा उत्साहात संपन्न झाला. या सोहळ्यात विविध जाती-धर्मातील नऊ जोडपी विवाहबद्ध झाली. हा विवाह सोहळा घोडज रोडवरील कै. शिवरामजी पवार मंगल कार्यालयात मोठ्या उत्साहात पार पडला.
समाजात ऐक्य, धर्मनिरपेक्षता आणि बचतीचा संदेश देण्यासाठी पवार कुटुंबीय गेल्या २५ वर्षांपासून विविध सामाजिक व धार्मिक उपक्रम राबवत आहेत. त्याच परंपरेत कै. शिवरामजी पवार यांच्या स्मृतीदिनानिमित्त या सर्वधर्मीय सामूहिक विवाह सोहळ्याचे आयोजन करण्यात आले होते. या सोहळ्यासाठी नऊ जोडप्यांनी नोंदणी केली होती.
पवार कुटुंबीयांच्या वतीने वधूंना मंगळसूत्र, वधू-वरांना कपडे तसेच इतर आवश्यक साहित्य मोफत देण्यात आले. विवाहासाठी मंगल कार्यालय, निवास व्यवस्था व भोजनाची सुविधाही विनामूल्य उपलब्ध करून देण्यात आली. ग्रामीण शिक्षण प्रसारक मंडळाचे अध्यक्ष डॉ. संजय पवार, प्राचार्य डॉ. विजय पवार व डॉ. राजेंद्र पवार यांनी या उपक्रमासाठी पुढाकार घेतला.
या सामूहिक विवाह सोहळ्यास माजी आमदार गुरुनाथ कुरुडे, माजी आमदार रोहिदास चव्हाण, काँग्रेसचे तालुकाध्यक्ष संजय भोसीकर, ज्येष्ठ विधीज्ञ बी. के. पांचाळ, उपनगराध्यक्ष मन्नान चौधरी, माजी सभापती बाबुराव केंद्रे, माधवराव पेठकर, भाजपाचे तालुकाध्यक्ष बालाजी पांडागळे, माजी जि.प. सदस्य उत्तम चव्हाण, माधव कांबळे, बाळासाहेब गर्जे, सुहास कांबळे, महेश पिनाटे, देविदास गोविंदराव राठोड, अंगद केंद्रे यांच्यासह राजकीय, सामाजिक व शैक्षणिक क्षेत्रातील अनेक मान्यवर उपस्थित होते.
या सोहळ्यास हजारो नागरिकांनी उपस्थित राहून नवविवाहित जोडप्यांना शुभाशिर्वाद दिले.
About the Author
