कंधार : प्रतिनिधी
कंधार तालुका व शहर काँग्रेस कमिटीच्या वतीने जगज्योती महात्मा बसवेश्वर महाराज यांच्या जयंतीनिमित्त अभिवादन कार्यक्रमाचे आयोजन करण्यात आले आहे.
सामाजिक समता, न्याय व मानवतेचा संदेश देणाऱ्या महात्मा बसवेश्वर यांच्या विचारांना उजाळा देण्यासाठी हा कार्यक्रम आयोजित करण्यात आला आहे.
हा कार्यक्रम रविवार, दि. 19 एप्रिल 2026 रोजी सकाळी 11.00 वाजता काँग्रेस पक्ष कार्यालय, कंधार येथे पार पडणार आहे. या कार्यक्रमात काँग्रेस पक्षाचे सर्व आजी-माजी पदाधिकारी, युवक काँग्रेसचे विधानसभा व तालुका पदाधिकारी, विविध सेलचे प्रतिनिधी, सोशल मीडिया कार्यकर्ते तसेच सर्व काँग्रेस कार्यकर्त्यांनी उपस्थित राहण्याचे आवाहन करण्यात आले आहे.
यानंतर सकाळी 11.30 वाजता नवघरवाडी चौक, कंधार येथे असलेल्या महात्मा बसवेश्वर यांच्या पूर्णाकृती पुतळ्यास अभिवादन करण्यात येणार आहे.
या कार्यक्रमाचे आयोजन तालुकाध्यक्ष मा. संजय भोसीकर, शहराध्यक्ष मा. सय्यद सलीम सय्यद रहीम आणि सचिव सुरेश कल्हाळीकर यांच्या मार्गदर्शनाखाली करण्यात आले असून, सर्वांनी मोठ्या संख्येने उपस्थित राहून कार्यक्रम यशस्वी करावा, असे आवाहन कंधार तालुका काँग्रेस कमिटीच्या वतीने करण्यात आले आहे.
About the Author
