नांदेड (दादाराव आगलावे)
नांदेड वाघाळा शहर महानगरपालिका हद्दीतील तरोडा (खुर्द) परिसरात मागील काही दिवसांपासून वारंवार वीज पुरवठा खंडित होत असल्याने नागरिकांचे जनजीवन विस्कळीत झाले आहे. वाढत्या उष्णतेच्या पार्श्वभूमीवर ही समस्या अधिक गंभीर बनली असून, नागरिकांमध्ये संताप व्यक्त होत आहे. या संदर्भात नगरसेवक योगेश मोतीराम मुंडे यांनी विद्युत वितरण विभागाकडे लेखी निवेदन देऊन समस्येकडे लक्ष वेधले आहे.
परिसरातील ट्रान्सफॉर्मरवर जास्त भार आल्यामुळे वारंवार बिघाड होत असून तासन्तास वीज खंडित राहत असल्याचे त्यांनीनिवेदनात नमूद केले आहे. निवेदनानुसार, सध्याचा ट्रान्सफॉर्मर अपुरा ठरत असल्याने नागरिकांना सतत वीजपुरवठ्याच्या अडचणींचा सामना करावा लागत आहे. यामुळे घरगुती वापरासह लहान व्यवसाय, पिण्याच्या पाण्याची व्यवस्था आणि विद्यार्थ्यांच्या अभ्यासावरही परिणाम होत आहे.
ट्रान्सफॉर्मरवर वाढलेला अतिरिक्त भार वारंवार होणारे तांत्रिक बिघाड तासन्तास खंडित राहणारा वीज पुरवठा उष्णतेमुळे नागरिकांचे आरोग्य धोक्यात असल्याने परिसरात नवीन व उच्च क्षमतेचा ट्रान्सफॉर्मर तातडीने बसवणे विद्यमान लाईनचे अपग्रेडेशन व दुरुस्ती करणे
वीज वितरण व्यवस्थेची नियमित तपासणी व देखभाल अतिरिक्त भार कमी करण्यासाठी लोड मॅनेजमेंट प्रणाली लागू करणे तक्रारींसाठी त्वरित प्रतिसाद यंत्रणा सक्रिय करणे आवश्यक असल्याचे नगरसेवक मुंडे यांनी संबंधित अधिकाऱ्यांना लवकरात लवकर नवीन ट्रान्सफॉर्मर मंजूर करून वीज पुरवठा सुरळीत करण्याची मागणी केली आहे. प्रशासनाने तातडीने दखल घेऊन समस्या मार्गी लावावी, अशी अपेक्षा नागरिकांनी व्यक्त केली आहे.
About the Author
