कंधार : दिगांबर वाघमारे
कंधार तालुक्यात इयत्ता ४ थी व ७ वी शिष्यवृत्ती परीक्षा अत्यंत शिस्तबद्ध व सुरळीत वातावरणात दिनांक २४ एप्रिल २०२६ रोजी पार पडली. तालुक्यातील विविध परीक्षा केंद्रांवर विद्यार्थ्यांनी उत्साहाने सहभाग नोंदवला. राष्ट्रपती पुरस्कार प्राप्त शिक्षक प्रविण पाटील यांच्या मार्गदर्शनाखाली सदर परीक्षा संपन्न झाल्या.
इयत्ता ४ थीसाठी एकूण १३७५ विद्यार्थ्यांपैकी १३१९ विद्यार्थी उपस्थित राहिले असून ५६ विद्यार्थी अनुपस्थित होते. तर इयत्ता ७ वीसाठी ९९० विद्यार्थ्यांपैकी ९५३ विद्यार्थी उपस्थित राहिले असून ३७ विद्यार्थी अनुपस्थित होते. दोन्ही परीक्षांमध्ये एकूण उपस्थिती टक्केवारी समाधानकारक राहिली.
परीक्षेचे सुरळीत आयोजन करण्यासाठी प्रशासनाच्या वतीने काटेकोर नियोजन करण्यात आले होते. भरारी पथक, बैठे पथक तसेच आरोग्य पथकाची नियुक्ती करण्यात आली होती. विद्यार्थ्यांसाठी स्वच्छ पिण्याच्या पाण्याची (फिल्टर पाणी) व्यवस्था करण्यात आली होती.
या यशस्वी आयोजनात शेख मुस्सा, विनोद मोरे, बालाजी वडजे, इक्बाल शेख, शिवकुमार कनोजवार, उद्धव लटपटे, मंगेश देशमुख, व्यंकट केंद्रे आदींनी महत्त्वाची भूमिका बजावली.
परीक्षा शांततेत व कोणत्याही अडथळ्याशिवाय पार पडल्यामुळे पालक व प्रशासनाने समाधान व्यक्त केले.
About the Author
