प्रवाशांच्या सातत्यपूर्ण मागणीचा विचार करून कंधार आगारातून कंधार–चंद्रपूर या नव्या बससेवेचा आज उत्साहात शुभारंभ करण्यात आला. सकाळी ९.१५ वाजता या बसला हिरवा झेंडा दाखवून मार्गस्थ करण्यात आले. या नव्या मार्गामुळे प्रवाशांना मोठा दिलासा मिळणार आहे.
ही बस कंधार–नांदेड–उमरखेड–माहुर–उनकेश्वर–पांढरकवडा–मारेगाव–वणी–घुग्गुस मार्गे चंद्रपूरपर्यंत धावणार असून, प्रवास अधिक सोयीस्कर होणार आहे. उद्घाटन प्रसंगी चालक श्री एम. आर. नराटे व वाहक श्री पी. एम. पवार यांचा जंगी सत्कार करण्यात आला. यावेळी वाहतूक निरीक्षक श्री जगदीश मंटगे, सहाय्यक वाहतूक निरीक्षक श्री राजुभाऊ कदम, वाहन परीक्षक श्री एम. टी. घुगे, वाहतूक नियंत्रक श्री मोहन अप्पा शेकापुरे, तसेच श्री दत्ताभाऊ कंधारे, श्री राजीव केंद्रे, श्री एफ. एम. शेख, श्री बी. के. गुंडाळे, श्री मारोती श्रीमंगले, श्री ए. आर. जाधव, श्री बालाजी तेलंगे आदी कर्मचारी, चालक व वाहक उपस्थित होते. या नव्या सेवेचे प्रवासी वर्गातून स्वागत होत आहे.
