मुखेड : दादाराव आगलावे
शालांत प्रमाणपत्र (दहावी) परीक्षेत उल्लेखनीय यश संपादन करत 95.40 टक्के गुण प्राप्त करणाऱ्या देवाशिष देवानंद शिंदे गुंटूरकर यांचा नांदेड येथे राष्ट्रीय शिक्षण अभियान अंतर्गत मान्यवरांच्या हस्ते पुरस्कार देऊन सत्कार करण्यात आला. या यशाबद्दल विद्यार्थी, पालक व परिसरातून त्यांच्यावर अभिनंदनाचा वर्षाव होत आहे. नांदेड येथे आयोजित करण्यात आलेल्या विशेष कार्यक्रमात माजी शिक्षण संचालक गोविंद नांदेडे साहेब, माजी मंत्रालय सचिव अनिल मोरे सर तसेच निलेश खेडेकर यांच्या हस्ते देवाशिष शिंदे गुंटूरकर यांना पुरस्कार प्रदान करून सन्मानित करण्यात आले.
त्यांच्या शैक्षणिक यशाचे उपस्थित मान्यवरांनी कौतुक करत पुढील शैक्षणिक वाटचालीस शुभेच्छा दिल्या.
देवाशिष शिंदे गुंटूरकर हे अत्यंत हुशार, अभ्यासू व कुशाग्र बुद्धिमत्तेचे विद्यार्थी म्हणून ओळखले जातात. सातत्यपूर्ण अभ्यास, मेहनत व जिद्दीच्या जोरावर त्यांनी हे यश संपादन केले आहे. त्यांच्या या यशामुळे कुटुंबासह मुखेड परिसराच्या शिरपेचात मानाचा तुरा रोवला गेला आहे. देवाशिष यांचे वडील देवानंद शिंदे गुंटूरकर हे मुखेड एसटी आगारात वाहक म्हणून कार्यरत आहेत. प्रवाशांशी नम्र व खेळीमेळीच्या वातावरणात संवाद साधणारे कर्मचारी म्हणून त्यांची विशेष ओळख आहे. लालपरीतील प्रवाशांसोबत आदराने व प्रेमाने वागणाऱ्या देवानंद शिंदे यांचा एसटी महामंडळातही चांगला नावलौकिक असून उत्कृष्ट सेवेसाठी त्यांना अनेक वेळा गौरविण्यात आले आहे. वडिलांच्या सेवाभावी वृत्तीचा व शिस्तप्रियतेचा प्रभाव देवाशिष यांच्या व्यक्तिमत्त्वावरही पडला असून त्यांनी शिक्षण क्षेत्रात उल्लेखनीय यश संपादन करून कुटुंबाचे नाव उज्ज्वल केले आहे. त्यांच्या या यशाबद्दल विविध स्तरांतून अभिनंदन करण्यात येत आहे.
देवाशिष शिंदे यांच्या यशाबद्दल आमदार डॉ. तुषार राठोड साहेब, आगार प्रमुख सुभाषराव पवार, शिवाजी जाधव साहेब नरसिंग कोरे, गणेश जोगदंड, भगवानराव पाटील शिंदे गुंटूरकर, पत्रकार दादाराव आगलावे, माजी सरपंच माधव पाटील डावकरे, आदी सह गुंटूर येथील ग्रामस्थांनी व मुखेड आगारातील कर्मचाऱ्यांनी देवाशिषचे अभिनंदन केले आहे.
About the Author
