येथील प्रियदर्शिनी मुलींच्या विद्यालयात गुरुवारी ( २१ मे ) दहावीतील गुणवंत विद्यार्थिनींचा सत्कार तालुका काँग्रेस कमिटीचे अध्यक्ष संजय भोसीकर यांच्या हस्ते पुष्पगुच्छ व भेटवस्तू देऊन करण्यात आला. यावेळी भोसीकर यांनी विद्यार्थिनींनी यशावर समाधान न मानता उच्च शिक्षण घेऊन समाजात स्वतःचे वेगळे स्थान निर्माण करावे, असे आवाहन केले. ग्रामीण भागातील मुली शिक्षण क्षेत्रात उल्लेखनीय कामगिरी करत असल्याचे सांगून त्यांनी विद्यार्थिनींचे अभिनंदन केले. प्राचार्य किरण बडवणे यांनीही मार्गदर्शन केले. यावेळी शिक्षक, पालक व विद्यार्थिनींची मोठ्या संख्येने उपस्थिती होती.
