कंधार/वार्ताहर:
कंधार येथे राजकीय आणि संघटनात्मक घडामोडींच्या दृष्टीने एक महत्त्वपूर्ण बैठक पार पडली. लोकनियुक्त नगराध्यक्ष शहाजी राजे नळगे यांच्या निवासस्थानी काँग्रेस पक्षाचे ज्येष्ठ नेते रामदास पाटील यांच्या नेतृत्वाखाली देगलूर येथील मान्यवर नगरसेवक व पदाधिकाऱ्यांची सस्नेह भेट झाली. या प्रसंगी उपस्थित सर्व मान्यवरांचा यथोचित सत्कार करण्यात आला.
या महत्त्वपूर्ण भेटीदरम्यान आगामी होऊ घातलेल्या विधान परिषद निवडणुकीच्या पार्श्वभूमीवर पक्ष संघटन, सद्य राजकीय परिस्थिती, आगामी रणनीती आणि जनहिताच्या विविध महत्त्वाच्या विषयांवर सविस्तर व सकारात्मक चर्चा करण्यात आली. स्नेह, संवाद आणि संघटनात्मक एकजूट यांचा सुंदर संगम घडवून आणणारी ही भेट आगामी काळातील राजकीय वाटचालीसाठी अत्यंत प्रेरणादायी ठरेल, असा विश्वास यावेळी व्यक्त करण्यात आला.
(बातमीचा दुसरा कॉलम येथे सुरू होतो)
या स्नेहभेट व राजकीय चर्चेप्रसंगी देगलूर येथील नगरसेवक बालाजी रोयलवार, अविनाश निलमवार, गटनेते मिरा मोयोद्दीन, महमुद भाई, मोहित हफीसाब, इलयास दौलताबादी, राजाराम कांबळे, शत्रुघ्न वाघमारे, लक्ष्मण कंधारकर, लालू कोईलावार, संजय जोशी, तेहराभाई तसेच इंजिनिअर संतोष मौतकुरवार यांच्यासह अनेक मान्यवर उपस्थित होते.
त्याचबरोबर कंधार येथील माजी उपनगराध्यक्ष तथा नगरसेवक सुधाकर अण्णा कांबळे, नगरसेवक रामभाऊ बनसोडे, राजूभाऊ सोनकांबळे, दिलीप देशमुख, दिलीप पवार आणि काँग्रेस सोशल मीडिया विधानसभा अध्यक्ष सतीश देवकते यांचीही प्रामुख्याने उपस्थिती होती. या बैठकीमुळे कंधार आणि देगलूर परिसरातील राजकीय वर्तुळात चांगलीच चर्चा रंगली आहे.
About the Author
