कंधार 🙁 दिगांबर वाघमारे )
कडक खबर न्यूजचे संपादक तथा पत्रकार शुभम केंद्रे यांनी सुरू केलेल्या ‘ना नफा ना तोटा’ या नवीन बुक सेंटर उपक्रमास कंधार तालुका कॉग्रेस कमिटीचे अध्यक्ष संजय भोसीकर यांनी भेट देऊन शुभेच्छा दिल्या. यावेळी त्यांच्या हस्ते शुभम केंद्रे यांचा सत्कार करण्यात आला.
या प्रसंगी संजय शिक्षण संस्था कंधारचे उपाध्यक्ष कृष्णाभाऊ भोसीकर, विठ्ठल गिरी महाराज, दिग्विजय दिग्रसकर, आकाश केंद्रे आदी मान्यवर उपस्थित होते.
नुकतेच कंधार नगरपालिकेचे नगराध्यक्ष शहाजी नळगे यांच्या हस्ते ‘ना नफा ना तोटा’ या वह्या विक्री उपक्रमाचे उद्घाटन करण्यात आले होते. विद्यार्थ्यांना कमी दरात वह्या उपलब्ध करून देण्याच्या उद्देशाने सुरू करण्यात आलेल्या या उपक्रमाला ग्रामीण व शहरी भागातून मोठा प्रतिसाद मिळत आहे.
या उपक्रमांतर्गत विद्यार्थ्यांना वह्यांवर सुमारे ३५ टक्क्यांपर्यंत सवलत देण्यात येत आहे. त्यामुळे पालक, मित्रमंडळी तसेच विविध राजकीय व सामाजिक क्षेत्रातील मान्यवरांकडून या उपक्रमाचे कौतुक होत असून पत्रकार शुभम केंद्रे यांच्या सामाजिक बांधिलकीच्या कार्याची सर्वत्र चर्चा होत आहे.
About the Author
