कंधार : प्रतिनिधी
तालुक्यातील मौजे संगमवाडी येथील पाच भूमिपुत्रांची एकाच भरती प्रक्रियेत भारतीय सैन्य दलात निवड झाल्याने गावात आनंदाचे वातावरण निर्माण झाले आहे. कंधार तालुका काँग्रेस कमिटीचे अध्यक्ष संजय भोसीकर यांनी पवन परमेश्वर घुगे, लखन परमेश्वर घुगे आणि ऋषिकेश मारोती घुगे यांचा सत्कार करून त्यांना भावी वाटचालीस शुभेच्छा देण्यात आल्या.
यावेळी कंधार तालुका काँग्रेस कमिटीचे अध्यक्ष संजय भोसीकर यांनी तरुणांचे कौतुक करताना सांगितले की, ग्रामीण भागातील युवकांनी मेहनत आणि जिद्दीच्या जोरावर सैन्य दलात स्थान मिळवणे ही अभिमानाची बाब आहे. त्यांच्या यशामुळे इतर युवकांनाही प्रेरणा मिळेल, असा विश्वास त्यांनी व्यक्त केला.
या प्रसंगी माजी पंचायत समिती सदस्य तथा नांदेड जिल्हा काँग्रेस कमिटीचे सरचिटणीस माधवराव गित्ते, तालुका काँग्रेस कमिटीचे सचिव सुरेश कल्लाळीकर उपस्थित होते. तसेच गावातील माउली घुगे, गणेश गोटमवाड, ज्ञानोबा घुगे, परमेश्वर घुगे, विश्वनाथ घुगे, नामदेव घुगे, मारोती घुगे, नागनाथ घुगे आदी मान्यवर उपस्थित होते.
About the Author
