कंधार प्रतिनिधी
प्राथमिक आरोग्य केंद्र, पेठवडज ता.कंधार येथील आरोग्य सहाय्यिका तथा तालुका गट परिचार्या गंगाबाई सोपानराव मलवाडे या ३८ वर्ष ७ महिन्याची प्रदिर्घ सेवा करुन नियत वयोमानानुसार रविवारी, दि.३१ मे रोजी सेवानिवृत्त झाल्या. त्यांचा सत्कार समारंभ बुधवारी, दि.३ जून रोजी दुपारी ४ वाजता तालुका आरोग्य अधिकारी कार्यालय, कंधार येथे मोठ्या उत्साहात पार पडला.
या कार्यक्रमाचे अध्यक्ष तालुका आरोग्य अधिकारी डॉ.रमेश गवाले हे होते. तर प्रमुख पाहुणे म्हणून नगरसेवक महेश पिनाटे, जि.प.आरोग्य कर्मचारी पतसंस्थेचे अध्यक्ष सुधाकर मोरे आदी उपस्थित होते.
या कार्यक्रमाच्या प्रारंभी तालुका आरोग्य अधिकारी डॉ.रमेश गवाले यांच्या हस्ते गंगाबाई मलवाडे यांचा शाल, श्रीफळ, पुष्पगुच्छ आणि साडीचा आहेर भैट देऊन सत्कार करण्यात आला. याप्रसंगी अनेक मान्यवरांनी मनोगत व्यक्त करत गंगाबाई मलवाडे यांना पुढील वाटचालीसाठी व दीर्घ आयुष्यासाठी शुभेच्छा दिल्या.
यावेळी आरोग्य पर्यवेक्षक बालाजी कल्हाळे, व्यंकटी शेंळके, अहिल्या इंगोले, लिपिक चंद्रमुणी भावे, लेखापाल राम प्रेमलवाड, मंगेश कुलकर्णी, एकनाथ पठाडे, सुशील आलेगावकर, बालाजी काकडे, राहुल पेठकर, कृष्णा नखाते, आशिष कुरुडे, देऊबाई कंटेवाड आदी उपस्थित होते.
या कार्यक्रमाचे सुत्रसंचालन सिध्दार्थ वाघमारे यांनी करुन उपस्थितांचे आभार मानले.
About the Author
