लातूर :
वाघमारे परिवारातील मानाच्या पानाच्या, कर्तृत्ववान आणि अभ्यासू व्यक्तिमत्त्व असलेल्या प्रा. डॉ. ज्योत्स्ना गायकवाड-वाघमारे यांना स्वामी रामानंद तीर्थ मराठवाडा विद्यापीठ, नांदेड यांच्याकडून राज्यशास्त्र विषयातील पीएच.डी. पदवी प्रदान करण्यात आली. “उच्चशिक्षित महिलांचा राजकीय सहभाग : लातूर जिल्ह्याचा एक चिकित्सक अभ्यास” या अत्यंत महत्त्वपूर्ण आणि समाजाभिमुख विषयावरील संशोधनासाठी त्यांना ही मानाची पदवी बहाल करण्यात आली.
राजश्री शाहू महाविद्यालय, लातूरचे प्राचार्य डॉ. महादेव गव्हाणे यांच्या मार्गदर्शनाखाली त्यांनी हे संशोधन कार्य यशस्वीरीत्या पूर्ण केले. उच्चशिक्षित महिलांच्या राजकीय सहभागाचा सखोल अभ्यास करून समाजातील महिलांच्या नेतृत्वक्षमतेवर, निर्णय प्रक्रियेत त्यांच्या योगदानावर आणि लोकशाही बळकटीकरणातील त्यांच्या भूमिकेवर प्रकाश टाकणारे हे संशोधन विशेष महत्त्वाचे मानले जात आहे.
वाघमारे परिवारातील पहिल्या महिला डॉक्टरेट म्हणून प्रा. डॉ. ज्योत्स्ना वाघमारे यांनी एक नवा आदर्श निर्माण केला आहे. शिक्षण, संशोधन आणि समाजप्रबोधनाच्या क्षेत्रात त्यांनी केलेले कार्य अनेक विद्यार्थिनी, संशोधक आणि उच्च शिक्षण घेणाऱ्या महिलांसाठी प्रेरणादायी ठरणार आहे.
त्यांच्या या यशामागे आदरणीय प्रा. डॉ. भगवानराव वाघमारे (अण्णा) यांचे मार्गदर्शन, संस्कार आणि प्रेरणा तसेच पती डॉ. उत्तम वाघमारे यांची खंबीर साथ लाभली. ज्ञान, संस्कार आणि परिश्रम यांच्या बळावर वाघमारे परिवाराने शैक्षणिक क्षेत्रात निर्माण केलेली ही उज्ज्वल परंपरा पुढे नेण्याचे कार्य त्यांनी केले आहे.
या उल्लेखनीय यशाबद्दल डॉ. भगवानराव वाघमारे, सो गोदावरी भगवानराव वाघमारे डॉ. उत्तम वाघमारे, प्रा. बालाजी बोटेवाड, प्रा. सविता बोटेवाड, प्राध्यापक शाम वाघमारे, सामाजिक कार्यकर्ते संभाजीराजे वाघमारे, मुख्याध्यापक किशोर वाघमारे, इंजी. गजानन वाघमारे, कुमार सागर वाघ सर, चंद्रकांत बोटेवाड सर, सुरेश वाघमारे सर यांच्यासह नातेवाईक, परिवार आणि विविध क्षेत्रातील मान्यवरांनी त्यांचे अभिनंदन करून पुढील वाटचालीसाठी शुभेच्छा दिल्या.
प्रा. डॉ. ज्योत्स्ना गायकवाड-वाघमारे यांचे हे यश केवळ वाघमारे आणि गायकवाड परिवारासाठीच नव्हे, तर संपूर्ण समाजासाठी प्रेरणादायी असून शिक्षण, संशोधन आणि महिला सक्षमीकरणाच्या क्षेत्रातील एक अभिमानास्पद मैलाचा दगड ठरला आहे.
प्रा. डॉ. ज्योत्स्ना गायकवाड-वाघमारे मॅडम यांना मनःपूर्वक अभिनंदन व पुढील शैक्षणिक, सामाजिक आणि संशोधनात्मक वाटचालीसाठी हार्दिक शुभेच्छा!
About the Author
