नांदेड ;
भारतीय पिछडा शोषित ओबीसी संघटना,ओबीसी जनगणना वेलफेयर मिशन व ओबीसी संघर्ष समिती नांदेड तर्फे आज राज्यस्तरीय आंदोलन नांदेड जिल्हाधिकारी कार्यालया समोर करण्यात आले.
या आंदोलनाचे संपर्क प्रमुख राजेश रापते यांच्या सह आंदोलकांनी तपस्वी डॉ- रामराव महाराज पोहरादेवी संस्थांन प्रमुख यांना श्रद्धांजली अर्पण केली.
आज हे महाराष्ट्राच्या ग्रामीण व शहरी भागातून टोकन आंदोलन असून येणाऱ्या 10 नोव्हेंम्बर रोजी मुंबई येथे राऊंड टेबल कॉन्फरन्स घेऊ आणि तरीही ओबीसींची जात निहाय जनगणना न झाल्यास, त्यातूनही काही फलित न झाल्यास संपूर्ण महाराष्ट्र पेटून उठेल याची नोंद महाराष्ट्र शासन व प्रशासनाने घ्यावी असा इशारा आंदोलकांनी दिला.
या आंदोलनात डॉ.बी डी चव्हाण,ओबीसी नेते बालाजी शिंदे,प्रकाश राठोड,रावसाहेब चव्हाण,वेंकटराव पार्डीकर, रामेश्वरबाबा गोडसे बारडकर,गोविंद फेसाटे, नंदकुमार कोसबतवार,राजेश चितकुलवर,सौ मंगला साखरे हे यावेळी उपस्थित होते.