कंधार ; प्रतिनिधी
मनोज जरांगे पाटील यांचा मराठवाडा 4था दौरा 1 ते 12 डिसेंबर दरम्यान आहे. या दरम्यान महासभेचे आयोजन नांदेड जिल्ह्यातील भुईकोट किल्ला, दर्गा याने प्रसिद्ध तसेच मन्याडबहाद्दरांचा तालुका म्हणूनही ओळखल्या जाणाऱ्या कंधार तालुक्यातील मध्ये श्री शिवाजी हायस्कुल कंधार येथील मैदानावर हु. माणिकराव काळे रोड जवळ दि. 8 डिसेंबर 2023 रोजी सायंकाळी 7 वाजता महासभेचे आयोजन कंधार-लोहा सकल मराठा समाजाच्या वतीने करण्यात आले आहे.
दि. 28 नोव्हेंबर 2023 रोजी सकाळी 11 वाजता नियोजन बैठक पार पडल्यानंतर सभेच्या मैदानाचे भूमिपूजन करण्यात आहे यावेळेस मराठा समाजातील उपोषणकर्ते उपस्थित होते.
महाराष्ट्रामध्ये एक आणि एकाच नावाची चर्चा होत आहे ती म्हणजे जे अंतरवाली सराटी येथे उपोषणाला बसलेले, प्रत्येकाच्या तोंडी एकच नाव असलेले मराठायोद्धा मनोज जरांगे पाटील. मनोज जरांगे पाटील यांच्या महाराष्ट्रात सभा चालू आहेत. गाव म्हणू नका तालुका म्हणू नका जिल्हा म्हणू नका सर्वत्रच लाखोंची गर्दी दिसून येत आहे. म्हणजे ह्या फक्त सभा नसून महासभाच ठरत आहेत.
