कंधार ; ( दिगांबर वाघमारे )
श्री शिवाजी हायस्कुल कंधार येथे कंधार केंद्राची शिक्षण परिषद गटशिक्षण अधिकारी वसंत मेटकर यांच्या मार्गदर्शनाखाली केंद्र प्रमुख माधव कांबळे यांच्या प्रमुख उपस्थितीत संपन्न झाली. या शिक्षण परिषदेतून बाल लैंगिक शोषणवर जिल्हा परिषद बाभुळगाव येथिल शिक्षिका चोले जे.एस.यांनी चर्चासत्र घडवून बालकांना समजून घेण्याचे आवाहन केले .
शिक्षण मंत्री दादासाहेब भुसे यांच्या सुचने प्रमाणे शिक्षण परिषदेचे आयोजन करण्यात येत आहे दि.१० डिसेंबर रोजी श्री शिवाजी हायस्कुल कंधार येथे आयोजित परिषदेची सुरुवात माता सावित्रीबाई फुले यांच्या प्रतिमेचे पुजन करून करण्यात आली .या वेळी शिस्त म्हणजे काय ? सकारात्मक शिस्तीचे जिवनात महत्व अनन्य असते त्यासाठी शिक्षणात शिस्त रूजविण्याचे आवाहन यावेळी कोटबाजार केंद्राचे शिक्षक अलिम शेख यांनी केले.
जिल्हा परिषद बाभुळगाव येथिल शिक्षिका चोले जे.एस. यांनी बाल लैगिंक शिक्षण यावर मार्गदर्शन केले. शाळेतून गुड टच बॅड टच याविषयीची माहिती द्यावी बालकांवर काही अत्याचार झाला तर तो शिक्षकांना आई वडीलांना सांगण्याचा प्रयत्न करतो परंतु त्यांना समजून घेतले जात नाही आणि पुढे जाऊन त्यांचे शोषण होऊ शकते त्यामुळे पालकांनी जागरूक राहावे असे त्यांनी सांगितले .
तर घोडज केंद्रातील उपक्रमशिल शिक्षिक सौ मनिषा वाघमारे यांनी माता पालक गटाबाबत मार्गदर्शन केले.शाळेतून माता पालक शिक्षक संघाची स्थापना करण्याचे व बैठका घेऊन बालकांना आनंददायी व गुणवत्ता पूर्ण शिक्षण मिळवे म्हणून प्रयत्न करण्याचे त्यांनी सांगितले . तर केंद्र प्रमुख माधव कांबळे यांनी दि १६ डिसेंबर रोजी गणपतराव मोरे विद्यालय येथे होणाऱ्या विज्ञान प्रदर्शनात जास्तीत जास्त विद्यार्थ्यांना संधी उपलब्ध करून देण्या बाबत सूचना दिल्या .
यावेळी शिक्षण परिषदेला संजय वागलगावे,चंद्रकांत मामडे, ज्योती अवरे , गंगेश्री डोंगरे , शिवाजी कांबळे , जयवंत शिंदे , श्री शिवाजी हायस्कुल कंधार चे मुख्याध्यापक सदाशीव आंबटवाड , खाजगी शिक्षक महासंघ कंधार तालुकाध्यक्ष भास्कर पाटील कळकेकर ,बसवेश्वर मंगनाळे , राजहंश शहापुरे , वाघमारे डी जी , साहेबराव बेळकोने , शैलेंद्र कुमार नरंगले आदीसह कंधार केंद्रातील खाजगी शाळा व जिल्हा परिषद शाळेतील शिकवणारे शिक्षक मोठ्या संख्येने उपस्थित होते .
About the Author
