नांदेड ; प्रतिनिधी
कै. डॉ.शंकररावजी चव्हाण यांची जयंती साजरी नांदेड भारत स्काऊटस‌् आणि गाईड्स जिल्हा कार्यालय नांदेड, येथे नांदेड जिल्ह्याचे भुमी पुत्र जलक्रांती चे प्रणेते माजी मुख्यमंत्री तसेच जागतिक पातळीवर संस्कार सक्षम नागरिक घडवीणाऱ्या चळवळीचे म्हणजे भारत स्काऊट आणि गाईड राष्ट्रीय संस्था दिल्लीचे माजी अध्यक्ष कै.डाॅ. शंकररावजी चव्हाण साहेब यांची १०१वी जयंती साजरी करण्यात आली.
सन १९८३ ते १९९८ या कालावधीत चव्हाण साहेबांनी भारत स्काऊटस‌् आणि गाईड्स राष्ट्रीय संस्था,नवी दिल्ली चे अध्यक्षपद भूषविले होते. सर्वाधिक काळ त्यांनी देशाचे नेतृत्व केले होते. आशा महानायक कै. डाॅ. शंकररावाजी चव्हाण यांची जयंती नांदेड भारत स्काऊटस‌् आणि गाईड्स जिल्हा कार्यालय वजिराबाद नांदेड येथे साजरी करण्यात आली. अध्यक्ष डॉ पी. डी. जोशी पाटोदेकर यांनी कै. शंकररावजी चव्हाण यांच्या प्रतिमेचे पूजन केले.
याप्रसंगी जिल्हा संघटक स्काऊट व गाईड दिगंबर करंडे श्रीमती शिवकाशी तांडे स्काऊटर प्रलोभ कुलकर्णी, विनोद सोनटक्के, उदय हंबर्डे, कार्यालयीन कर्मचारी साईनाथ ठक्कुरवार,आकाश मोरे इत्यादी उपस्थित होते.तसेच स्थानिक पातळीवर आयोजित महारक्तदान शिबीरात सुध्दा स्काऊटर/गाईडर यांनी सहभाग घेऊन रक्तदान केले.