अहमदपूर ; प्रा भगवान अमलापुरे
छत्रपती शाहू राजे युवा ग्रुप अमदपुर कडून आज दिनांक 26 जून 20 22 रोजी आरक्षणाचे जनक छत्रपती शाहू राजे यांची 101 वी जयंती छत्रपती शाहूराजे योगा मैदानावर सकाळी सात वाजता साजरी करण्यात आली. जयंतीचे औचित्य साधून विविध मान्यवरांचे स्वागत सत्कार करण्यात आले. महाराष्ट्राचे विद्रोही साहित्यिक आणि कवी माननीय राजेंद्र कांबळे यांची उदगीर येथील विद्रोही कवी संमेलनासाठी अध्यक्ष म्हणून निवड झाल्याबद्दल त्यांचे सत्कार करण्यात आले.
छत्रपती शाहू राजे युवा ग्रुपचे सन्माननीय सदस्य प्राध्यापक राहुल तीगोटे सर यांना स्वामी रामानंद तीर्थ मराठवाडा विद्यापीठ नांदेड ची डॉक्टरेट पदवी बहाल झाल्याबद्दल त्यांचे शाल श्रीफळ आणि पुष्पहार देऊन सत्कार करण्यात आले.
दुसरे सन्माननीय सदस्य ओम बॅग चे संचालक श्री एकनाथ घुगे सर यांचेही वाढदिवसानिमित्त शाल श्रीफळ आणि पुष्पहाराने सत्कार करण्यात आले. याप्रसंगी मराठा सेवा संघाचे तालुकाध्यक्ष माननीय अशोक चाटे सर, किलबिल इंटरनॅशनल स्कूल चे संचालक माननीय ज्ञानोबा भोसले सर स्वाभिमानी शिक्षक संघटनेचे जिल्हाध्यक्ष पत्रकार बाबासाहेब वाघमारे विद्रोही साहित्यिक राजेंद्र कांबळे छत्रपती शाहूराजे योगा ग्रुप चे अध्यक्ष श्री एन डी राठोड कार्यक्रमाचे अध्यक्ष श्री लक्ष्मणराव कांबळे आधी छत्रपती शाहू राजे यांच्या कार्याचा गुणगौरव केला. कार्यक्रमाचे संचलन प्रसिद्ध चित्रकार आणि कला पुष्प चे अध्यक्ष श्री चंद्रशेखर भालेराव यांनी केले तर कार्यक्रमाचे आभार श्री अविनाश मंदाडे यांनी मानले.
