मालेगाव :जिल्हा परिषद केंद्रीय प्राथमिक शाळा कामठा(बु.) ता.अर्धापूर येथील साहित्यिक शिक्षक विठ्ठल बापूराव भोसले यांनी जिल्हा परिषद हायस्कूल, मालेगाव येथील वाचनालयास नऊ हजार दोनशे रुपयांचे ग्रंथ वाचनालयास भेट देऊन वाचन संस्कृती गतिमान करण्यासाठी मोठे पाऊल उचलले आहे.
पुस्तकंही मानवी जीवनाला आणि त्यांच्या प्रतिभेला सशक्त करण्याचे माध्यम असून वाचन संस्कृती वृद्धिंगत व्हावी व विद्यार्थ्यांना वाचनाची आवड निर्माण होऊन महापुरुषांचे विचार समाजमनात रुजावेत यासाठी साहित्यिक शिक्षक विठ्ठल भोसले यांनी शाळेतील विद्यार्थ्यांसाठी आनंददायी प्रकल्प,संत आणि आपले सण,चार धाम आणि तीर्थस्थळे, थोरांची ओळख अशी चाळीस पुस्तके जिल्हा परिषद हायस्कूल,मालेगावच्या वाचनालयास ग्रंथ भेट दिल्याबद्दल प्रशालेचे मुख्याध्यापक पी.एम. सूर्यवंशी आणि राष्ट्रपती पुरस्कारप्राप्त शिक्षक तथा ग्रंथालय संयोजक शिवा कांबळे यांनी त्यांचे स्वागत केले. यावेळी प्रशालेतील शिक्षिका अनुजा देशपांडे यांच्यासह विद्यार्थी उपस्थित होते.